Tsina
Martha Kekana Mathamela
Tammi Mbambo
Sepedi
First sentences
Kopano le Lereko ba be ba eja dikuku tšeo mmago bona a ba paketšego.
-
Dikuku tšeo di be di elela tsina.
1
Lereko o ile a botšiša mma, “Na tsina e tšwa kae?”
-
“Ngwanaka, dinose di dira tsina,” gwa realo mma.
2
“Dinose di dira tsina le modula go tšwa matšobeng,” mma a tšwela pele.
-
“Ge dinose di kgoboketša
-
modula, di dulafatša matšoba.”
3
Go dulafatša ke go thuša dibjalwa go ata ka go phatlalatša modula.
-
Modula o dira karolo ya peu.
4
“Dinose di rwala modula go tloga dibjalong go ya dibjalong. Di dulafatša dimela,” mma a hlaloša.
-
“Dinose di dira gape ditšweletšwa tše bohlokwa.”
5
“Ke a tseba! Re humana tsina dinoseng,” Kopano a realo.
-
Lereko a tlatša, “Tsina e tloga e le bose ebile e a latswega.
6
“Tsina e šomišwa gape mereng le dišeng,” mma a realo.
-
“Dipilisi le lerole tša go dirwa ka mere le diša di dirilwe ka tsina.”
7
“Tsina e thuša go fodiša megolo, sehuba le go gohlola.”
8
“Tsina e thuša go fodiša dikgobadi le dintho tša mollo.”
9
“Efela le gopole, bana ba ka, tsina ga se e lokele bana.” E ka ba lwatša kudu,” mma a ba lemoša.
10
“Na, bjale go reng dinose di le bohlokwa?” mma a botšiša.
-
“Di dulafatša matšoba!” gwa
-
realo Lereko.
-
“Le go dira tsina!” gwa realo Kopano.
11
Go tloga letšatši leo, Kopano le Lereko ba ile ba thoma go hlompha dinose.
12
Attribution CC BY
Your attribution should include the following:
Title: Tsina
Author/s: Martha Kekana Mathamela
Illustrator/s: Tammi Mbambo
Assurer/s: Dikeledi Queen Shai
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator