Mmantsae Moche Diale nemandla elilanga
Thembekile Malibe
Omphemetse Patient Ramatlhatse
Siswati
Longer paragraphs

——


Lencwadzi ikhuluma nga Mmantsae Moche Diale, Sosayensi wase Mzansi Afrika.
-
Mmantsae nguSosayensi lofundza ngemandla labuya elangeni, netindlela tekutsi bantfu basebentise lamandla agesi.
1
“Bafundzi ngifuna kunicocela ngalomunye Sosayensi lobalulekile walapha eNingizimu Afrika,” kusho Thishela Mpilo
-
“Lo Sosayensi wacala imphilo yakhe kulesinye setigodzi letincane taseLimpopo lowatsi kamuva waba nguSosayensi lophambili.”
-
Thishela wachubeka watsi, “Khumbulani, iPhysiks iyisayensi yetemvelo lesuselwa etibalweni.”
2
Thishela uyachubeka, “Lichawe letfu lesayensi lesitawukhuluma ngalo lamuhla nguMmantsae Moche Diale.”
-
“Watalelwa eGa-Masemola lokuyindzawo lesemakhaya eLimpopo. Wafundza esikolweni iSekobetlane Maphutha.”
-
“Bekunemapali lamakhulu agesi labefakwe adzabula ekhatsi lapha esigodzini sakubo. Kepha kulesigodzi sakubo bekute gesi.”
3
“Asengumntfwana abenenshisekelo yekwati ngemandla agesi nekutsi atfolakala njani. Abekakwati kutsi wonkhe umuntfu kufanele abe nemandla lanele agesi kute akhone kuhlangabetana netidzingo takhe.”
-
Thishela waphumula kancane nendzaba yakhe wabuta, “Iyini leminye imitfombo yemandla agesi?”
4
“Emalahle angumtfombo lobalulekile. Sishisa emalahle kute sente gesi,” kusho Nhlavu.
-
“Yebo, kepha umhlaba wetfu uphelelwa ngemalahle naleminye imitfombo yemandla agesi langakhoni kuphindze asebentiseke.
-
“Lilanga nemoya imitfombo lengaphindza isebentiseke,” kungeta Sphe, nathishela wakhombisa kuvumelana naye ngenhloko.
5
Thishela wachubeka nendzaba yakhe, “Ebuncaneni Mmantsae bekakwati kutsi ufuna tindlela tekutsi wonkhe umutfu atfole gesi longabiti kakhulu futsi lohlobile atfolakale etikwe mitfombo lengaphindze isebentiseke.”
-
“Wafundza tibalo nesifundvo seSayensi yetemvelo esikolweni, futsi abeyitsandza iphysiks, abekakwati kutsi ufuna kufundza iPhysiks eNyuvesi,” kwasho Thishela.
6
“Bantfu babuta Mmantsae, ‘Ucabanga kutsi yini lotayenta nge Physiks? Ungawutfolaphi nje umsebenti?’ Bamcedza emandla.”
-
“Ufundzele ticu tetesayensi etikweni letemfundvo, kute abe ngu thishela we Sayensi. Abekanenshisekelo futsi yekufundza ngemitfombo yemandla agesi longaphindza usebentiseke,” kusho Thishela.
7
“Thishela, ngubani umuntfu lebekabuke kuye Mmantsae njengelichawe lakhe ngalesosikhatsi?” kubuta Sphe.
-
“Bekulidlanzana labomake lebebasebenta emkhakheni we physiks, futsi bebabancane kakhulu bomake belibala lelimnyama kuwo lomkhakha,” kuphendula Thishela. “Mmantsae usebente nabo Sosayensi labadvuna kuphela. Bekute bomake baseNingizimu Afrika labekangabuka kubo njengemachawe akhe ngalesosikhatsi.”
8
“Ngemuva kweminyaka leminyenti Mmantsae afundza waba ngu Phrofesa weteSayensi. Nyalo unguThishela nemcwaningi waseNyuvesi,” thishela Mpillo utjela likilasi.
-
“Ulichawe lawo wonkhe umuntfu longumake welibala lelimnyama lokusayensi, ikakhulu labakuPhysiks.”
-
“Wenta lucwaningo lolubalulekile,” kusho thishela.
9
Thishela wachaza, “Lucwaningo lwakhe lugcile ekutsini atfole tindlela tekutfola emandla latfolakala elangeni ngebunyenti, nekuwagcina lawo mandla.
-
“Emandla elilanga lagciniwe angasentjentiswa kuniketa gesi etindzaweni tasemakhaya.”
-
“Emandla agesi latfolakala elangeni akabiti kakhulu futsi ayaphindza asebentiseke.”
10
Thishela wabuta, “Ningakwati kungitjela kutsi kusho kutsini, lokungaphindze kusebentiseke nalokungeke kuphindze kusebentiseke?”
-
“Emandla agesi langaphindze asebentiseke ngulamandla langapheli,” kusho Ntando.
-
“Emandla agesi lawa langaphindzi asebentiseke ayaphela njengalawa emalahle langakhoni kuphindze asebentiseke,” kusho Vusiwe.
11
Sifundvo siyaphela.
-
Thishela uyaphetsa, “Mmantsae uhola licembu lebacwaningi labacwaninga ngemandla agesi lohlobile nalaluhlata.”
-
“Sifiso sabo ngalolucwaningo kukhicita emaseli langakhona kutsatsa emandla agesi lamanyenti elangeni awayise ebantfwini.”
12
Basacoca bafundzi ekilasini, Thishela Mpilo utsi, “Sifiso saPhrofesa Diale kubona bomake labanyenti bafundza iphysiks. Nginelitsemba lekutsi linyenti lematfombatana lapha atawufundza tifundvo teSayensi neTibalo!”
-
“Kanjalo nebafana futsi!” kumamatseka Thishela.
13

——Mibuto


  1. Yini leyabangela Mmantsae ebuncaneni abe nenshisekelo emandleni agesi?
  2. Ayini emadla agesi labuya elangeni? Singawasebentiselani lamandla agesi labuya elangeni?
  3. Uluhlobo luni lwaSosayensi Phrofesa Diale? Ucwaninga ngani?
  4. Wahlangabetana nabuphi bumatima ekulandzeleni leliphupho lakhe?
14

——Tincwadzi letikuloluchungechunge


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Lendzaba ibhalwe ngeSiswati njengencenye yemabhuku ekufundza e-Zenex Ulwazi Lwethu, iprojekthi ya-2020.
16
Attribution CC BY
Your attribution should include the following:
Title: Mmantsae Moche Diale nemandla elilanga
Author/s: Thembekile Malibe
Illustrator/s: Omphemetse Patient Ramatlhatse
Assurer/s: Ms Minah Dolo, Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator