Lihle na Lwandle vha guda nga ha vhuriha
Ndivhuho Mutsila
Vusi Malindi
Tshivenḓa
First paragraphs
Lihle na Lwandle vha khou ya Ḽisuthu u dalela malume wavho nga bisi.
-
Ndi lwa u thoma vha tshi dalela shango ḽeneḽi ḽiṱukuṱuku, nṱhanṱha dzithavhani.
1
Mukomana na murathu vha guda zwithu zwo vha tangaho vhe bisini.
-
“Hu na mahaḓa hoṱhehoṱhe!” Lwandle u kha ganuko.
-
“A tou nga nguvho tshena ndenya yo adzaho hoṱhe,” hu tenda Lihle.
2
Lwandle a ri, “Ndi a takala ngauri bisi i na hithara!”.
-
“Ee, nnḓa hu khou rothola. Thempheretsha dza vhuriha dza fhano dzi vha fhasifhasi,” hu amba Lihle.
3
“Thempheretsha dza vhuriha fhano Ḽisuthu dzi fhasi kha dza hayani Limpopo,” Lihle u isa phanḓa.
-
“Brrr, ndi fulufhela uri ndo paka zwiambaro zwa vhududo zwo eḓanaho,” hu amba Lwandle.
4
Bisi ya swika, vhasidzana vha imisela zwanḓa malume wavho. Vho ambara dzhasi ḽihulu, tshikhafu na muṅadzi.
-
“Ee-ee!” Lwandle u khou tetemela musi a tshi tsa bisini.
5
Dzhesi dza vhasidzana ndi tsekene a si dza mutsho wa fhano.
-
Malume vho ḓela vhaḓuhulu vhavho nguvho dzo nakaho dza vhududo.
-
“No ṱanganedzwa fhano phephoni!” vha tshi lumelisa.
6
“Ṱhogomelani ni tshi tshimbila, fhasi hu na ayisi hu a suvha,” vha tshi sevha.
-
Vha fhira sambi ḽiṱuku ḽa nngu dza wulu dzo kuvhanganaho uri dzi dudele.
7
Hatsi vhu re fhasi ha mahaḓa ho oma nahone vhu buraweni.
-
Pfulo ya zwifuwo a si nnzhi.
-
Vhuriha zwimela zwinzhi a zwi aluwi kana zwi a fa.
8
Vhasidzana vha dzula muliloni tshiṱangani tsha malume.
-
Vha vha fha ṋama ya kholomo na maḓabula a fhisaho. “Zwiḽiwa zwa sialala zwa Lekhotloane, zwi ḓo ni dudedza,” vha tshi amba.
9
“Nga vhuriha, ḓuvha ḽi a lenga u tsha ḽa ṱavhanya u kovhela. Ri ḓo ṱwa nḓuni,” hu amba Malume.
-
“Ro ḓa na dzibugu na mitambo!” vhasidzana vha fhindula mazha.
10

——Mbudziso


  1. Lihle na Lwandle vha ngafhi? Wanani afho fhethu kha mapa.
  2. Ndi khalaṅwaha ifhio?
  3. Wanani maipfi mararu a ṱalutshedzaho khalaṅwaha iyo.
  4. Vhuriha ha Ḽisuthu vhu a fana na hune na dzula hone? Ṱalutshedzani.
  5. Ni takalelesa vhuriha ha ngafhi? Ndi ngani?
  6. Ni humbula uri ndi ngani zwiliṅwa zwinzhi zwi sa aluwi kana zwi tshi fa vhuria?
  7. Ṱalusani uri ndi ngani vhuria ḓuvha ḽi tshi lenga u ṱavha ḽa dovha ḽa ṱavhanya u kovhela.
11
Attribution CC BY
Your attribution should include the following:
Title: Lihle na Lwandle vha guda nga ha vhuriha
Author/s: Ndivhuho Mutsila
Illustrator/s: Vusi Malindi
Assurer/s: Tshedza Tlhako, Doris Manyamalala
Language: Tshivenḓa

© Zenex Foundation - Saide 2025

CC BY includes the following elements:
 BY   – Credit must be given to the creator