Khathaza a ri xirhandzwa. A a kuma hinkwaswo leswi a swi lava ku suka eka vatswari.Khathaza a ri nhwenyana a ri yexe eka vafana va tsevu.Khathaza a nyenyela.

Siku rin’wana Khathaza a lava ku tlanga bolo na vafana.“Swi nga endleka u vaviseka,” ku kombela Manana.Va boti wa yena va arile ku tlanga bolo na yena. Khathaza a sungula ku rila.

Endzhaku ka nkarhi Khathaza a balekela kaya a ya enhoveni.“Ndzi ta va kombeta hinkwavo leswaku a ndzi rincece,” a vulavula a ri yexe.U khandziyile nsinya wo leha.

Vatswari va lavile enhoveni va kondza va kuma Khataza.Va n’wi komberile leswaku a chika kambe a nga pfumelanga.

Va boti wa yena va ringetile ku n’wi mbuwetela. Va vitana, “Khathaza, chika u ta ti vavisa.”Un’wana wa vona u yimbelerile risimu leri a ri rhandza ngopfu, van’wana va hlavelela.

Ku hlundzuka ka Khathaza ku sungula ku antswa.Ku yingisela risimu swi endlile leswaku a mbilu yiwa.A sungula ku yimbelela.Kambe a nga se eneteka ku chikela ehansi.

Munghana wa yena Sihle u tile a ta n’wi khorwisa leswaku a chika.“Khathaza, chika, chika. A ndzi lavi ku lahlekeriwa hi wena,” ku huwelela Sihle.

Sihle u yimile a nga heli mbilu. Khathaza u hetelele a chika ensinyeni. A vukarha Sihle.“Munghana, hikokwalaho ka yini u baleka u ya khandziya murhi?” ku vutisa Sihle.

A ndzi nga titwi kahle hikuva un’wana na un’wana u ni teka tanihi rincece.“A ndzi lava ku va komba leswaku ndzi nga endla hinkwaswo leswi va boti va swi endlaka,” a ngetelela.

Vatswari va Khathaza va endlile ntlangu ku tlangela leswi a nga vuya a hlayisekile.Ku sukela siku rero majaha ma pfumela leswaku Khathaza a tlanga bolo na vona.