Kgalekgale kua nokeng ya Lepelle go be go dula segwagwa.Ka letšatši le lengwe, Segwagwa se be se rutha pula e ena gomme sa thoma go swarwa ke tlala.Se ile sa lemoga motšhitšhi wa dintšhi mo kgauswi.

“Ke tla tlatša mpa ya ka ka dintšhi tše,” Segwagwa sa ipotša bjalo.Pula ge e ema, se ile sa tšwa ka nokeng sa leba dintšhi.

Segwagwa se rile se sa re se ja ntšhi ya mathomo, gwa tšwelela Leobu.“Ga ke nyake motho a tle go mpakiša dijo mo nageng ya ka!” Leobu la kgalema Segwagwa ka bogale.Leobu le ile la thoma go fetola mebala le tletše pefelo.

Segwagwa se ile sa fofela kgole le Leobu.Se ile sa tsena ka gare ga mehlare e le ge se leka go iphihla le go tloša letšhogo leo le hlotšwego ke Leobu.

Segwagwa se rile se sa leka go tloša letšhogo, gwa tšwelela Phiri. Yona e be e le gare e fiša hlaga.Segwagwa se ile sa tšhošwa ke mollo woo.

Segwagwa se ile sa fofela fase gomme sa khuta ka fase ga matlakala a magolo a dipapetla.Matlakala ao a ile a kgona go se khutiša efela se be se sa kwa phišo ya mollo go dikologa le sona.

Segwagwa se ile sa khupetša mahlo a sona ka letšhogo. Se ile sa fofela godimo ka moo se ka kgonago.Se ile sa boela ka nokeng sa kgaphuetša meetse ge se iphošetša ka letšhogo.

Segwagwa se ile sa bona Pšhinyaleraga e patlame godimo ga kota. Se ile sa rutha go ya go Pšhinyaleraga.“Dumela monna, le be le le bjang letšatši la gago?” gwa botšiša Pšhinyaleraga.“E bile letšatši la khutšo,” gwa fetola Segwagwa ka go myemyela.