Letsatsi la Poelano
Refilwe Ramagoshi
Tebogo Matshana
Setswana
Longer paragraphs

——


Mo Aforika-Borwa Letsatsi la 16 Sedimonthole ke letsatsi la boikhutso la botlhe.
-
Buka e e bua ka Letsatsi la Poelano.
-
O tlile go utlwa ka hisitori ya lona, le gore goreng le le botlhokwa.
1
Rremogolo o bogetse Letsatsi la Poelano mo thelebišeneng kwa lapeng.
-
“Rremogolo, Umkhonto we Sizwe (MK) ke eng?” Gone poelano ke eng?” ga botsa Puseletso.
-
“O botsa dipotso di le dintsi ka nako e le nngwe. Reetsa, ke go rute!” ga bua rremogolo.
2
MK e ne e le batlhabani ba ANC. Ba ne ba lwantsha puso ya tlhaolele. Tlhaolele e ne e kgetholola batho Bantsho,”ga tlhalosa rremogolo.
-
Gompieno batho ba itumetse ka gonne ke letsatsi la tshwarelano le poelano,” a bua.
3
“A o gakologelwa fa o ne o sa buisane le Dikeledi beke yotlhe?” Ga botsa rremogolo.
-
Puseletso a koma ka tlhogo.
-
“Ka bonya lo ne lwa nna ditsala gape?”
-
Puseletso a koma gape ka tlhogo.
-
“Seo ke sona maitshwarelano le poelano,”ga nyenya rremogolo.
4
“Letsatsi la 16 Sedimonthole ke letsatsi la maitshwarelano le poelano,” rremogolo a tswelela pele.
-
“Letsatsi le, le na le hisetori e telele. Kgang e simolola ka ntwa e e neng ya diragala bogologolo ka la 16 Sedimonthole 1838.”
5
“Ka letsatsi leo mo hisetoring, batlhabani ba ga Kgosi Dingane wa MaZulu le MaVoortrekkere ba ne ba lwa ntwa e kgolo gaufi le noka ya Ncome.”
-
“Go ne ga fenya mang?” ga botsa Puseletso.
6
Rremogolo a araba, “MaVoortrekker ba ne ba fenya.
-
Ke nako e telele ba keteka phenyo e ka la 16 Sedimonthole. Ba le bitsa Letsatsi la Maikano.
7
Jaanong, ka 1962 ka la 16 Sedimonthole, Umkhonto we Sizwe o ne wa tlhamiwa.
-
E ne e le masole a ANC a a neng e ikemiseditse go lwantsha puso ya tlhaolele.
8
“Rremogolo, tota ke eng se se neng sa tlhotlheletsa Umkhonto we Sizwe go lwa morago ga dingwaga tse dintsi tsa tlhaolele?” ga botsa Puseletso.
-
“Go ne go na le mabaka a mmalwanyana. Se se diragetseng kwa mogwantong wa Didompas, e ne e le lebaka le le golo,” ga bua rremogolo.
-
“Dompas ke eng?” ga botsa Puseletso.
9
Rremogolo a araba, “Dompas ke pasa ya bogologolo. Batho Bantsho botlhe ba ne ba pateletswa go rwala pasa e.
-
“Ka 1960, ka mogwanto wa kagiso wa go gana go rwala dipasa, mapodisa a ne a tlhasela bagwanti. Mapodisa a tlhaolele a ne a bolaya le go gobatsa batho, kwa Sharpville mo Gauteng.”
10
“Dikgotlhang tsa bogologolo di ne di kgaogantse batho Basweu le batho Bantsho,” rremogolo a busa mowa.
-
“Botsala bo ka agiwa fela mo godimo ga nnete. Go tshwanetse go itsewe gore go ne go diragetse eng magareng ga batho Basweu le batho Bantsho ka ntlha ya tlhaolele,” a bua.
11
“A mme go bonolo go itshwarelana morago ga dintwa tse di kana?” ga botsa Puseletso.
-
“Nnyaa! Ga go bonolo. Fela, gore re tswelele pele, tshwarelano le poelano di botlhokwa magareng ga batho,” rremogolo a araba.
-
“Poelano ga e tle ka bonako. Poelano e tsaya nako e telele,” a tlaleletsa.
12
“Fa mongwe a dirile phoso, o tshwanetse a bua nnete, mme a kopa maitshwarelo mo mothong yo o mo diretseng phoso. Morago ga moo, ba ka simolola go siamisa botsalano ba bona,” ga tlhalosa rremogolo.
-
“O ne o reeditse sentle. A re bogele se o ratang go se bogela mo thelebišeneng!”ga nyenya rremogolo.
13

——Dipotso


  1. Letsatsi la Poelano le ketekwa leng? Ke goreng e le letsatsi la botlhe la boikhutso?
  2. Umkhonto we Sizwe ke bomang?
  3. MaVoortrekkere ke bomang?
  4. Tlhaolele e ne e le eng?
  5. Tlhalosa ka mafoko a gago gore ‘poelano’ e kaya eng.
  6. Batho ba ka fitlhelela poelano jang?
14

——Dibuka tse di mo motseletseleng o


  • Letsatsi la Poelano
  • Letsatsi la Kgololesego
  • Letsatsi la Ngwao Boswa
  • Letsatsi la Ditswanelo tsa Botho
  • Letsatsi la Bomme
  • Letsatsi la Badiri
  • Letsatsi la Bašwa
15

——


Bukakgang e, e tlhamilwe le go kwalwa ka Setswana, e le karolo ya porojeke ya Zenex Ulwazi Lwethu ya 2020 ya dibuka tsa go buisa.
16
Attribution CC BY
Your attribution should include the following:
Title: Letsatsi la Poelano
Author/s: Refilwe Ramagoshi
Illustrator/s: Tebogo Matshana
Assurer/s: Glanice Masilo, Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator