Mehleng ya kgalekgale, Noga e be e gwerane le Segwagwa.Segwera sa bona se be se tletše ka lethabo, ba ratana.

Ka letšatši le lengwe ge ba dutše ba swere mehlamo, Segwagwa sa re, “Mogwera, go ka ba bjang ge re ka ya sekgweng go yo nyaka dijo?”Noga e ile ya dumela go ya le Segwagwa.

Ka nnete bagwera ba ile ba kgona go kgoboketša dinose ka mokotleng wo mogolo.Segwagwa sona se ile sa kgoboketša tše dintši go fetiša Noga.

Ba rile ge ba le tseleng ya go boela morago gae, ba kopana le sehlopha sa dihlora.Dihlora e be e le manaba a bona.

Noga ya bolela ka letšhogo ya re, “Mogwera, gape re hlasetšwe, ge re ka lahlegelwa ke seo re se swerego re tla bona re jele eng?”

Segwagwa se ile sa hlaboša lentšu sa re, “Širogang mo tseleng, e sego bjalo yo mongwe wa lena e tla ba motšwasehlabelo.”Dihlora di ile tša tšea sephetho sa go re bokaone ke go tšhaba!

Segwagwa se ile sa mema Noga dijong tša mathapama.“Mosadi wa ka o lokiša dijo tše monate tša dikhunkhwane tša go fofa,” Segwagwa sa realo ka boikgantšho.

Mo nakong ya go se fetše pelo dijo di ile tša loka.Bagwera ba ile ba hlapa matsogo ke moka ba yo dula tafoleng.

Ka pelapela, Noga ya šupa dijo tša yona ya re, “Ke ka lebaka la eng dijo tša gago e le tše dintši go feta tša ka?”

Noga e ile ya fetola, “Aowa, sesola sa gago ke se segolo go feta sa ka!”Segwagwa se ile sa ja dijo tša sona, efela Noga e ile ya ikwa e nyaditšwe gomme ya gana go ja dijo.

Segwagwa se ile sa re go Noga, “Ge e le go re o ilo bolela gampe ka dijo tša mosadi wa ka, etšwa o sepele ka mo ntlong ya ka.”

Seo e napile ya ba mafelelo a segwera se sebotse!Go tloga moo, digwagwa le dinoga ga se tša ka tša ba bagwera.