Charlotte Maxeke, Mosadi wa segatlhamelamasisi
Glanice Mmantshabi Masilo
Vusi Malindi
Setswana
Longer paragraphs

——


Kgang e e ka ga Charlotte Maxeke.
-
Ka ngwaga wa 1901, e ne ya nna Mosadi wa ntlha wa MoAforika-Borwa go amogela tikirii ya yunibesiti.
-
Charlotte Maxeke e ne ele molwela tsa bodirediloago, moitseanape le moeteledipele wa tsa sedumedi.
-
Bukapuiso e e keteka tsa botshelo jwa gagwe.
1
Khanyisa le Nthuseng ba boela gae, go tswa kwa sekolong.
-
Letsatsi le a fisa, mme fa ba feta fa bookelong, ba akanya go ikhutsa mo moriting wa boemelabese kwa ntle mo go tsenwang teng.
-
Bookelo bo bo bidiwa Charlotte Maxeke Johannesburg Academic Hospital.
2
“Heela, a o a itse gore Charlotte Maxeke e ne e le mang, le gore ke goreng ba neetse bookelo jo leina la gagwe?” Khanyisa a botsa tsala ya gagwe.
-
Nthuseng a araba, “Le fa ke fetile makgetlho a le mantsi fa, ga ke ise ke akanye ka selo se go fitlha jaanong.”
3
Moithuti o feta gaufi le basetsana fa ba ntse ba bua. O ithutela ka ga Saense ya tsa pholo kwa Yunibesithing ya Witwatersrand.
-
Nka lo bolelela gore Charlotte e ne e le mang!” Ga rialo Busisiwe, Moithuti.
4
“Charlotte Makgomo Mannya o belegwe ka 1870,” Busisiwe a simolola.
-
“Ijoo, bokana ka dingwaga di le 150 tse di fetileng!” ga bua Khanyisa.
-
Ee, go na le ditokomane tseo di farologaneng, mabapi le gore Charlotte o belegwe leng, kwa kae? Bangwe ba re o belegetswe kwa Eastern Cape, bangwe ba re kwa Limpopo,” ga tswelela Busisiwe.
5
“Charlotte o tsene sekolo sa Boromiwa, ko a falotseng ka maemo a kwa godimo. O ne a na le bokgoni mo Dipuong le Dipalo. O ne a kwala ka isiXhosa, Dutch le Seesimane.
-
“Charlotte o weditse dithuto tsa marematlou, ka bonako gona le barutwana ba bangwe,” Busi a emisa.
-
“Lesego Charlotte.” Ga bua Nthuseng.
-
“Botlhale Charlotte.” Ga bua Khanyisa.
6
“Charlotte o ne a le botlhale, gape a kgona go opela ka lentswe le le monate,” ga bua Busisiwe.
-
“Morago ga phitlhelelo ya diteemane mo Aforika Borwa, balelapa la ga gaabo Charlotte ba fudugela kwa Kimberly, Kwa Kapa Bokone.
-
E ne e le morutabana gape a opela le African Jubilee Choir.”
7
“Charlotte o ne a ya kwa England, le African Jubilee Choir. Ba ne ba opelela batho ba maemogodimo kwa London, mme ba tsaya loeto go ya Amerika.
-
Fa ba le kwa lefatsheng leo, Charlotte a amogela tlotlomatso ya go ithuta kwa Yunibesithing ya Wilberforce. E le Yunibesithi ya ntlha e tlhomilwe ke MaAforika le MaAmerika.”
8
“Kwa Amerika, kereke ya gagwe ya mo rotloetsa. A nna mmadipolitiki. A tsenela dipuisano ka ga ditshwanelo tsa basadi. O ithutile le morutegi wa Pan- Africanist e bong W.E. Du Bois.
-
Kwa Yunibesithing ya Wilberforce, Charlotte o kopane le monna wa gagwe, Marshall Maxeke.”
9
“Charlotte le Marshall ba boetse mo Aforika Borwa go dira jaaka Baromiwa. Ba ne ba batla go netefatsa gore, bana botlhe ba neelwa thuto ya maemogodimo.
-
Kereke e ne ya thusa baratani ba go simolola sekolo kwa Gauteng, go batho bantsho ba Aforika Borwa. Ba bitsa sekolo se Wilberforce Institute, ba teeletse ka Yunibesiti ya bona.”
10
“Charlotte a ikaegile ka dikamano tsa selegae tsa basadi ba bantsho. A le mo mokgatlhong wa basadi ba mebala yotlhe.
-
O thusitse go rulaganya mogwanto kgatlhanong le melawana ya bokoloniale. O tsenetse megwanto ya badiri, kgatlhanong le tokafatso ya dituelo.
-
E ne e le moeteledipele wa kereke, morutabana, mokwadi, e le molweladitshwanelo. E ne e le sekgantshwane!”
11
Busisiwe a khutlisa, “Ke ithutile ka Charlotte Maxeke gonne ke tlile mo bookelong jo! Bo ne bo bidiwa Johannesburg Hospital, fela leina la fetolelwa go Charlotte Maxeke ka 2008.”
-
“Charlotte Maxeke ke mosadi wa botlhokwa mo Hisetoring!” ga bua Khanyisa.
-
“Ba tshwanetse go re ruta ka ene kwa sekolong!” ga bua Nthuseng.
12
“Ke tshwanetse go ya phaposing jaanong, salang sentle,” ga bua Busisiwe.
-
“Re lebogela go abelana ka kitso! Re tla nna re gopola Mme Charlotte, Dr Charlotte Maxeke,” ga bua Khanyisa.
-
“Lo se ke lwa lebala, basadi ba bantsho ba na le maatla!” ga garela Busisiwe go basetsana.
13

——Dipotso


  1. Charlotte o belegetswe kwa kae?
  2. O tsene sekolo kwa kae?
  3. O opeletse setlhopha sefe?
  4. O amogetse basari go ithuta ka ngwaga mang?
  5. Charlotte o nyetswe ke mang?
  6. Ke goreng Charlotte Maxeke a le botlhokwa mo hisetoring?
14

——Dibuka tse di mo motseletseleng o


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Kgang e, e tlhamilwe le go kwalwa ka Setswana, e le karolo ya Zenex Ulwazi Lwethu ya dibukapuiso tsa porojeke ya 2020.
16
Attribution CC BY
Your attribution should include the following:
Title: Charlotte Maxeke, Mosadi wa segatlhamelamasisi
Author/s: Glanice Mmantshabi Masilo
Illustrator/s: Vusi Malindi
Assurer/s: Opelo Thole
Language: Setswana

© Zenex Foundation - Saide 2025

CC BY includes the following elements:
 BY   – Credit must be given to the creator