Asnath Mahapa, mosadi wa mofofiši
Sara Lekganyane
Khanyisa Masemola
Sepedi
Longer paragraphs

——


Lebo o boledišana le moKapteni Asnath Mahapa go ngwala ka makasining wa sekolo. Yena o thabetše go kopana le mofofiši yo wa go tsebega gohle.
-
“Thobela. Ke a le amogela poledišanong ya rena, Kapteni Asnath!” gwa realo Lebo.
-
“Thobela, Lebo. Le nna ke thabela go ba le wena. Nke o mpitše Asnath,” gwa fetola Moh. Asnath.
1
“Na Asnath ke mang?” gwa botšiša Lebo.
-
Asnath a re, “Ke belegwe ka 1979 kua Profenseng ya Limpopo, go la Afrika Borwa.
-
Ge re gola re be re se na dipompi tša meetse ka magaeng gape re šomiša dikerese go dira mošomo wa sekolo.”
2
“Bjale lerato la go fofiša difofane le thomile neng?” gwa botšiša Lebo.
-
“Taba yeo e be e le toro fela. Ge ke na le mengwaga ye 13, ke ile ka thoma go ba le kgahlego ya difofane.
-
Kua sekolong ka thoma go bala dimakasine tša bofofiši.
-
Ya ba ge ke thomile,” gwa gopola Asnath.
3
“Bjale taba yeo ya gola bjang?” gwa botšiša Lebo a ngwala fase.
-
“Ke be ke fela ke ipotšiša gore na go tla bjang gore sefofane, selo se segolo, sa boima, se kgone go fofa moyeng.
-
Ka nyaka gape go tseba gore di fofa bjang,” gwa fetola Asnath.
4
“Na motho o swanetše go dira dithuto dife go ba mofofiši?” gwa botšiša Lebo.
-
Asnath a fetola a re, “Dipalo, Saense le Boentšeneere.
-
Morago ga moo o ithuta go fofiša sefofane lebaka le letelele pele o ka hwetša lengwalo la go ba mofofiši wa difofane.”
5
Lebo a re, “Na dithuto tšeo di thuša ka eng mošomong wa lena?”
-
Asnath a re, “Dipalo di thuša ge o hlakantšha dinomoro ka sefofaneng ge se fofa.
-
Ka Entšeneere o tseba bokagare bja sefofane go kwešiša le go re se šoma bjang.”
6
“Ee! Bjale ge le fofa la mathomo le be le ikwa bjang? Le be le sa tšhoga?” a realo Lebo.
-
Asnath a re, “Hei Lebo! Ke tšere matšatši ke sellega ge ke fofa. Efela ka se nyame.
-
Gabjale ke fofela dinageng tša ka ntle, ke ithuta ditšo tša go fapafapana.”
7
“Ke tshepa le ipshina ka seo! Bjale sefofane sona se fofa bjang?” Lebo a phegelela go tseba.
-
Asnath a hlaloša a re, “Moya o fofa diphegong wa kukela sefofane godimo. Maatla a go tšwa entšeneng a se iša pele, gomme sa fofa.”
8
“Na mošomong wo le kopane le mathata afe?” gwa botšiša Lebo.
-
“Ke ile ka botšwa gore ke nna yo mokopana. Ba ntšhošetša ka go re mosadi a ka se šome mošomo wa banna. Gape ba re dithuto tša ka ga se tša maleba tša bofofiši.”
9
Lebo a tšwela pele, “Na mathata ao le a fentše bjang?”
-
“Ke ile ka lwantšha molao wa go gana batho ba seemo sa ka mošomong wo. Ka bušeletša dithuto gomme ka netefatša gore ke hwetša meputso ya godimo kudu.
-
Ka bontšha bokgoni bja basadi,” a fetola ka go realo Asnath.
10
Lebo a dumela gomme Asnath a tšwela pele. “Ke ithutile go re ge o e na le maikemišetšo, o ka se palelwe.
-
Ka ithuta gape go re o se theeletše batho bao ba rego o ka se kgone. Go a kgonega go re basadi ba ka dira se sengwe le se sengwe seo banna ba se dirago,” gwa fetola Asnath.
-
“Ke nnete seo!” Lebo a dumela.
11
“Na le ikgantšha ka eng?” gwa botšiša Lebo.
-
Asnath a re, “Ke be ke na le mengwaga ye 22 fela ge ke fihlelela go ba mosadi wa mothomoso wa mathomo wa go fofiša difofane.
-
Gape ke be ke le sehlopheng sa mathomo sa go fofiša sefofane re le basadi fela.
-
Ga bjale ke hlohleletša basetsana go latela dithuto tša Saense.
12
Lebo a fetša ka go re, “Ke rata go le leboga ge le kgonne go boledišana le nna.
-
Ge le kgona go bontšha rena baswa go re ka maikemišetšo, motho a ka fofela godimo!”
-
Asnath a myemyela a re, “Le nna ke thabetše go boledišana le wena, Lebo.
13

——Dipotšišo

-
1. Ke bo mang batho bao ba bolelago mo kanegelong gape ba bolela ka eng?
-
2. Naa ke ka baka la eng Lebo a dira poledišano ye?
-
3. Ke eng sa go dira gore Asnath a rate go ba mofofiši wa difofane?
-
4. Thala sefofane wena o le ka gare o le mofofiši wa sona.
14

——Dipuku tšeo di lego mo tlhahlamanong ye


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Pukwana ye ya kanegelo e hlamilwe le go ngwalwa ka Sepedi, bjalo ka projeke ya methopo ya go bala ya Zenex Ulwazi Lwethu ka 2020.
16
Attribution CC BY
Your attribution should include the following:
Title: Asnath Mahapa, mosadi wa mofofiši
Author/s: Sara Lekganyane
Illustrator/s: Khanyisa Masemola
Assurer/s: Assurer/s: Connie Makgabo, Dikeledi Queen Shai
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator