Naka na Nala vha guda nga ha mufhe
Ndivhuho Mutsila
Simon Mokoena
Tshivenḓa
First paragraphs
Naka na Nala vha sogani, vho dzula fhasi ha muri.
-
Nala u pfa maṱari a tshi khou fhefheḓiswa nga lumuya.
1
“Thetshelesani Naka. Maṱari ni khou a pfa?” hu vhudzisa Nala.
-
“Ee ndi khou a pfa na u dzinginyea hao ndi khou hu vhona,” hu fhindula Naka.
2
“Ni a humbula uri maṱari a dzinginyiswa nga mini?” hu vhudzisa Naka.
-
“Ndi musi muya u tshi vhudzula,” Nala a fhindula.
-
“Ndi vhona u nga ndi mufhe,” hu amba Naka.
3
“Mufhe wo ri tanga, fhedzi a ri koni u u vhona,” hu ṱalutshedza Nala.
-
Naka a dzhenelela, “Mara ri vhona na u pfa maṱari a tshi dzinginyea!”
4
Nala a isa phanḓa, “Mufhe a u vhonali fhedzi ri vhona zwithu zwi tshi khou dzinginyea. Hezwo ndi muya.”
-
“Muya ndi mufhe?” hu vhudzisa Naka.
5
“Ee,” Nala u a mwemwela.
-
U a ḓadzisa, “Mufhe u khuba maḓi kha makole. Maḓi a re kha makole a thoma u lemela a mbo ḓi wa sa mvula.”
6
“Humbulani ri tshi khou gonya makoleni nga baḽoni ḽa mufhe u fhisaho. Mufhe u gagamisa baḽoni u fana na shotha ḽa mvula,” hu amba Nala.
7
“Ri fema mufhe,” Naka a elelwa.
-
“Ee, zwipuka na zwimela zwi tshila nga mufhe,” hu amba Nala.
-
Naka a tenda, “Roṱhe ri ṱoḓa mufhe wo kunaho.”
8
“Mufhe a u vhonali, fhedzi wo itwa nga mini?” hu vhudzisa Naka.
-
“Mufhe wo vanganywa nga gese na zwisephenene zwa buse,” hu fhindula Nala.
9
“Ḽifhasi ḽo putelwa nga mufhe,” hu amba Nala.
-
“Mufhe wo ri tanga. Mufhe wa ḽifhasi u thoma fhano wa swika tshikhalani,” u ṱharamudza zwanḓa zwawe.”
10

——Mbudziso


  1. Tshiṱori tshi amba nga nnyi?
  2. Vha ngafhi?
  3. Ndi nnyi o no tshila nga mufhe?
  4. Mufhe wo itwa nga mini?
  5. Mufhe u ngafhi?
  6. Ndi ngani mashotha a mvula a tshi wa?
  7. Muya ndi mini?
  8. Wanani tshiṱori tshi ambaho nga muya.
  9. ‘Mufhe wo kunaho’ ndi mini?
11
Attribution CC BY
Your attribution should include the following:
Title: Naka na Nala vha guda nga ha mufhe
Author/s: Ndivhuho Mutsila
Illustrator/s: Simon Mokoena
Assurer/s: Tshedza Tlhako
Translator/s: Doris Manyamalala
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator