Ḓuvha ḽa Vhashumi
Eric Khorombi
Fezile Twala
Tshivenḓa
First paragraphs

——


Ḓuvha ḽa Vhashumi ndi holodei ya lushaka ine ya vha hone nga ḽa 1 May Afrika Tshipembe.
-
Heyi bugu ya tshiṱori i amba nga ha ḓivhazwakale ya yeneyo holodei ya lushaka na zwa uri ndi ngani i ya ndeme.
1
“Matshelo ndi holodei ya lushaka, a thi khou ya tshikoloni,” ndi Mulweli a tshi amba na khotsi awe.
-
“Na nṋe a thi shumi matshelo,” ndi khotsi vhane vha khou ralo.
-
“Baba, ndi mini zwine vha zwi ita nga Ḓuvha ḽa Vhashumi?”
2
“Zwo luga ṅwananga, kha ri ndi mu vhudze nga ha Ḓuvha ḽa Vhashumi ḽa Mashangooṱhe,” ndi khotsi vha tshi fhindula.
-
“Mafhungo o thoma musi vhashumi vha tshi lwela uri vha shume awara dza malo nga ḓuvha. Vho vha vha sa ṱoḓi u shuma awara dzi fhiraho malo nga ḓuvha.”
3
“Vho vha vha tshi shuma awara nngana?” hu vhudzisa Mulweli.
-
“Vho vha vha tshi anzela u shuma awara dza fumi kana dza fuminthihi nga ḓuvha,” ndi khotsi vha tshi fhindula
-
“Nga ḽa 1 May 1886, vhashumi vha ngei Amerika vho gwalaba uri awara dzi fhungudzwe dzi vhe malo.”
4
Muṅwe muthu o mbo ḓi posa bomo kha mapholisa musi hu tshi khou gwalabiwa.
-
“Nga murahu ha itea mini?” ndi Mulweli a tshi vhudzisa.
-
“Ha farwa vhashumi vhaṋa,” nge vha posa yeneyo bomo. Vho mbo ḓi vhonwa mulandu nahone vha vhulahwa,” ndi khotsi vha tshi fhindula nga u ongolowa.
5
“Vhashumi u mona na shango ḽoṱhe, vho gwalabela u vhulahwa ha vhenevho vhashumi vhaṋa. Vhashumi vho mbo tikedzana vha vha na vhuthihi.
-
U bva nga tshenetsho tshifhinga, ḽa 1 May ḽo vha ḓuvha ḽa vhashumi ḽa u lwela zwiimo zwa khwine zwa u shuma,” ndi khotsi vha tshi anetshela.
6
“Vhaṅwe vha vhidza ḽeneḽi ḓuvha uri ndi ‘May Day.’ Ḓuvha ḽa u thoma ḽa May ḽo mbo ḓi dzhiiwa sa ḓuvha ḽa u lwela pfanelo dza vhashumi na ḽa uri hu vhe na vhuthihi kha vhashumi vhoṱhe. Ndi holodei ya lushaka mashangoni manzhi,” ndi khotsi vha tshi khou ṱalutshedza.
7
“Nga Ḓuvha ḽa Vhashumi ngeno Afrika Tshipembe, ri ṱanganela na vhashumi vha dzimilioni u mona na shango ḽoṱhe kha u pembelela ḽeneḽi ḓuvha. Hu a dzudzanywa dziraḽi na mimatsho.”
-
“Naa yo ḓi dzula i holodei ngeno Afrika Tshipembe u bva nga 1886?” ndi Mulweli a tshi vhudzisa.
8
“Na luthihi!” ndi khotsi vha tshi khou sea. “Muvhuso wa tshiṱalula wo vha u sa ṱoḓi ri tshi pembelela ḓuvha ḽa u thoma ḽa May.
-
Fhedzi madzangano a vhashumi o vhudza muvhuso a ri: ‘May Day ndi yashu. Ḓuvha ḽa 1 May ndi ḽashu!’”
9
“U gwalaba ha vhashumi zwo thusa kha u fhelisa tshiṱalula. Ri tshi shumisa madzangano ashu a vhashumi, ro tamba tshipiḓa tsha ndeme kha u lwela pfanelo dza demokirasi,” ndi khotsi vhane vha khou amba.
-
Khotsi vha a vhudzisa, “Ni nga humbulela uri ḓuvha ḽa 1 May ḽo vha lini holodei fhano?”
10
“Eee, zwi nga vha zwo itea nga murahu ha tshiṱalula. Musi Afrika Tshipembe ḽo no wana demokirasi,” ndi Mulweli a tshi fhindula.
-
Khotsi awe vha tenda nga ṱhoho, “Ndi ngoho. Naho ro i wana demokirasi, vhashumi vhanzhi vha kha ḓi lwela zwiimo zwa khwine zwa u shuma na muholo.”
11
“Zwa zwino mafhungo anga nga ha ḓivhazwakale a guma henefha. Ndi khou ṱoḓa u ḓilugisela ḽa matshelo. Dzangano ḽanga ḽa vhashumi ḽo lugisela raḽi khulu hune ha ḓo vha hu na zwiambi zwa poḽitiki,” ndi khotsi vhane vha khou amba.
-
“Na ene u tea u fhedzisa tshuṅwahaya yawe ṋamusi.”
12
“Zwo luga Baba. Zwino ndi a pfesesa uri ndi ngani ḓuvha ḽa u thoma ḽa May ḽi ḽa ndeme kha vhone na vhaṅwe vhashumi. Zwa zwino mushumo une nda vha nawo ndi wa tshikolo,” ndi Mulweli a tshi khou setshelela.
13

——Mbudziso


  1. Ndi ngani hu tshi pembelelwa Ḓuvha ḽa Vhashumi ṋamusi?
  2. Ḓuvha ḽa Vhashumi ḽi pembelelwa nga nḓila-ḓe? Ṱuṱuwedzani vhagudiswa uri vha vhudzise vhashumi vha tshitshavhani tsha havho nga ha mishumo yavho.
14

——Bugu dza tsielano iyi


  • Ḓuvha ḽa Vhupfumedzani
  • Ḓuvha ḽa Mbofholowo
  • Ḓuvha ḽa Vhufa
  • Ḓuvha ḽa Pfaneleo dza Vhathu
  • Ḓuvha ḽa Vhafumakadzi
  • Ḓuvha ḽa Vhashumi
  • Ḓuvha ḽa Vhaswa
15

——


Tshiṱori itshi tsho sikiwa na u ṅwalwa nga Tshivenḓa, sa tshipiḓa tsha thandela ya matheriaḽa a u vhala ya Zenex Ulwazi Lwethu ya 2020.
16
Attribution CC BY
Your attribution should include the following:
Title: Ḓuvha ḽa Vhashumi
Author/s: Eric Khorombi
Illustrator/s: Fezile Twala
Assurer/s: Ndivhuho Mutsila, Doris Manyamalala
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator