Letšatši la Tokologo
Connie Makgabo
Sibusiso Khumalo
Sepedi
First paragraphs

——


Letšatši la tokologo, la di 27 Moranang ke la bokhutšogohle nageng ya Afrika-Borwa.
-
Kanegelo ye e bolela ka letšatši la Tokologo.
-
O tlo kwa ka histori ya lona, le gore goreng le le bohlokwa mo khalentareng.
1
Afrika Borwa e hweditše tokologo ka di 27 Moranang 1994.
-
E be e le la mathomo bathobaso ba bouta dikgethong tša Afrika Borwa.
-
Re keteka mafelelo a kgethologanyo ya merafe le mathomo a temokerasi.
2
Temokerasi ke mokgwa wo batho ka moka ba bagolo ba kgonago go bouta.
-
Batho ba bouta le go kgetha baetapele ba mmušo dikgethong.
-
Mmušo wa kgethologanyo ya merafe wa Afrika Borwa o be o sa dumelele bathobaso go bouta.
3
Balwela tokologo ba bantši ba be ba sa kwane le mmušo wa kgethologanyo ya merafe.
-
Nelson Mandela ke molwela tokologo wa go tsebega kudu.
-
O ile a ya kgolegong mengwaga ye 27 ka ge a be a lwela temokerasi.
4
Melokoloko ya batho e tsogetše mafelong a go boutela ka di 27 Moranang 1994.
-
Ge re bouta, re kgetha batho ba re nyakago ba eta pele mmušo.
5
Batho ka moka ba be ba thabetše go bouta dikgethong tša mathomo tša temokerasi Afrika Borwa.
-
Melokoloko e be e le ye metelele.
-
Letšatši le be le fiša kudu.
-
Fela batho ka moka ba thabetše tokologo.
6
Nelson Mandela o gopola letšatši le lebotse le ka kgahlego.
-
Ga a lebale melokoloko ye metelele ya batho ye e bego e bonala mebileng.
-
O re seswantšho se sa dikgetho se ka se tloge monaganong wa gagwe.
7
Maafrika Borwa ka moka ba mengwaga ye 18 le go feta ba ka bouta.
-
Nageng ka bophara, re be re letetše go ya mafelong a go kgetha.
-
Re eme go fihlela bošego, mafelelong ka moka ra kgona go bouta.
8
Mafelo a go bouta a ile a tswalelwa. Dibouto tša thoma go balwa.
-
Ke nako ya go tseba gore batho ba kgethile mang gore a buše naga.
-
Batho ba dimilione tše 20 ba boutile ka di 27 Moranang 1994.
9
Mokgatlo wa African National Congress o hweditše dibouto tše dintši kudu.
-
ANC ya thopa dikgetho tša mathomo tša temokerasi!
-
Nelson Mandela e be e le moetapele wa ANC. Ke yena mopresidente wa mathomo wa Afrika Borwa ya temokerasi.
10
Mmušo o dirile letšatši la 27 Moranang la boikhutšo gohle, gore re kgone go le keteka ngwaga ka ngwaga.
-
Letšatši le le emetše khutšo le poelano.
-
Re le keteka ka go kgobokana mabaleng ka ge le le bohlokwa. Re le keteka ka mmino, direto le dipolelo.
11
Ka letšatši la tokologo, re hlompha balwela tokologo ba rena.
-
Re keteka go fela ga kgethologanyo ya merafe.
-
Re keteka ditokelo tša batho ka moka tša go bouta.
-
Ebile re tshepiša le go netefatša tokologo le tekano ya batho ka moka. Ye ke yona temokerasi!
12
Dikgetho tša Afrika Borwa di rulaganywa ke Independent Electoral Commission (IEC).
-
IEC e netefatša gore dikgetho tša rena di laetša ‘tokelo ya boikgethelo’. Na o nagana gore seo se ra goreng?
-
Nyakišiša go ya pele ka mošomo wa mokgatlo wo.
13

——Dipotšišo


  1. Na go diregile eng ka letšatši la 27 Moranang 1994?
  2. Goreng letšatši le le le bohlokwa?
  3. Gobaneng letšatši la 27 Moranang e le la boikhutšo?
  4. Na temokerasi ke eng?
  5. Na mopresidente wa mathomo wa Afrika Borwa ya temokerasi ke mang?
14

——Dipuku tšeo di lego mo tlhahlamanong ye


  • Letšatši la Poelano
  • Letšatši la Tokologo
  • Letšatši la Bohwa
  • Letšatši la Ditokelo tša Botho
  • Letšatši la Basadi
  • Letšatši la Bašomi
  • Letšatši la Bafsa
15

——


Pukwana ye ya kanegelo e hlamilwe le go ngwalwa ka Sepedi, bjalo ka projeke ya methopo ya go bala ya Zenex Ulwazi Lwethu.
16
Attribution CC BY
Your attribution should include the following:
Title: Letšatši la Tokologo
Author/s: Connie Makgabo
Illustrator/s: Sibusiso Khumalo
Assurer/s: Sarah Lekganyane, Dikeledi Queen Shai
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator