Kgaitsadiake, Sello, ke susu.O bua a dirisa Puo ya Matshwao.Fa re tsoga, re a dumedisana.“Madume!” re bua ka matshwao.

Fa re fepa ditlhapi tsa rona, Sello o bua le tsone ka matshwao.“Dumelang, le kae?” a botsa.O tlotla le tsone ka Puo ya Matshwao.

Fa ke ntse ke letile kwa ntle ga phaposibotlhapelo nako e telele, ke tshuba le go tima lebone la phaposibotlhapelo gantsintsi.Ke bolelela Sello, “Hee, e setse e le sebaka sa me!”

Re feela setupu le go kumola mefero mo tshingwaneng.“Bona, sebokonyana!” ke bua ka matshwao le Sello.Re ithuta ka diboko kwa sekolong.

Moragonyana mo letsatsing, mmaarona o a re roma.“Tsweetswee rekang maši le sukiri, ke tlaa baka kuku,” o bua ka matshwao.

Fa re fitlha mo tseleng, ke simolola go e kgabaganya.Sello o tshwara letsogo la me.O bua le nna ka matshwao, “Ema pele! Gakologelwa go tlhola pele!”

Kwa lebenkeleng, re a kgaogana.Sello o bona sukiri, ke bona maši.Sukiri e mo mabeelong a a kwa godimodimo thata mo go Sello.

O kopa thuso mo mogolong.Mme fela mogolo ga a tlhaloganye Puo ya Matshwao.Sello o kwala potso ya gagwe mo bukaneng e e mo go ene.

Kwa gae, re baka kuku le mmaarona.Fa e fodile, re aesa kuku.“Monate!” Sello o bua ka matshwao fa a utlwa tatso ya aising.

Re dira tee le go tshelela koko wa rona.“Ke a leboga,” koko wa rona o bua ka matshwao.“Go leboga nna,” ausi wa me o bua ka matshwao.

Morago ga teye, re tlosa dilo mo tafoleng.“O tlhatswa dijana!” Sello o bua ka matshwao.Bosigo joo, re tlamparelana pele re robala.“A e nne boroko,” re buisana ka matshwao.

Puo ya MatshwaoPuo ya Matshwao ke puo ya konokono ya Bosusu.Mme mongwe le mongwe a ka e ithuta.Go bua ka matshwao go tshwana le puo epe e nngwe, ntle le gore ga e na medumo.