Naka le Nala ba ithuta ka lefase
Connie Makgabo
Vusi Malindi
Sepedi
First sentences
Naka o na le Nala ka serapaneng. Ba a hlwekiša ebile ba bjala merogo.
-
“Naka, gobaneng re šoma boima ebile letšatši le fiša?”
1
“Re a hlwekiša ka gore re rata lefase le tikologo ya rena.
-
Tikologo ya go hlweka e raka malwetši le gona bana ba gola gabotse.”
2
“Le gona, re bjala merogo gore re humane dijo tša go ba le phepo ye botse.
-
Se se tla re bolokela tšhelete”. Gwa realo Nala.
3
Nala a phegelela, “Na o reng ka lefase? Mpotše ka botlalo.”
-
Naka a re, “A re dule fase ke go botše se sengwe ka lefase”.
4
“Lefase ke polanete ya nkgokolo yeo re dulago go yona. Lefase le dikologa letšatši. Go na le batho ba dibilione tše 7.9 mo lefaseng!”
5
“Lefase le bopilwe ka naga, moya, le meetse. Diphedi di phela godimo ga lefase ka gobane go fiša kudu ka gare,” Naka a hlaloša.
6
“Ge e le gore lefase le dikologa letšatši, gobaneng re sa we?”
-
“Maatlakgogedi a lefase a a re goga gore re se we,” gwa araba Naka.
7
“Re ka hlokomela bjang lefase la rena?” Gwa botšiša Nala.
-
“Ga ra swanela go le tšhilafatša. Re swanetše go tsošološa dilo gore re fokotše ditšhila.”
8
“Re ka tsošološa polasetiki, pampiri, galase, le dikane. Re ka dira ditšweletšwa tše difsa ka dilo tša go tsošološwa. Re lahla dilo tše dintši kudu.”
9
Naka a ruma ka gore, “Re swanetše go hlokomela lefase gore batho ba kgone go phela gabotse.”
-
Nala a goeletša, “A re boele mošomong bjale!”
10

——Dipotšišo


  1. Naka le Nala ba dira eng? Gobaneng?
  2. Ngwala dintlha tše nne ka polanete ya rena, lefase.
  3. Gobaneng re swanetše go hlokomela lefase?
  4. Na go tsošološa dilo ke go dira eng?
  5. Ke dife dilo tšeo di ka tsošološwago? Neela mehlala.
  6. Go ka dirwa eng gape go šireletša lefase?
11
Attribution CC BY
Your attribution should include the following:
Title: Naka le Nala ba ithuta ka lefase
Author/s: Connie Makgabo
Illustrator/s: Vusi Malindi
Assurer/s: Dikeledi Queen Shai
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator