Khale wa khaleni, etikweni leri a ku ri na titshava letikulu eka Mbhokota, a ku tshama nhwana loyi a va ku i Tsakani.Tsakani a nga ri na vanghana, a dlaya hi xivundza.A lava munhu loyi a ta vumba na yena, ku endla mapoto, tikhapu na tihomu. A ku ri hava loyi a huhwa na yena.

Kokwana va swi lemukile kutani a anakanya, “Tsakani u tshamela ro tlanga hi maribye masiku hinkwawo. Leswi a swi kahle. Ndzi ta anakanya ku endla swin’wana.Kokwana a swikota ku vatla. A swikota ku vatla tindlopfu letikulu, ku vatla vanhu va ndhuma.Kokwana a ta endla swivatliwa swa swilo hinkwaswo leswi a swi anakanya.

Loko Tsakani a ri karhi a tlanga hi maribye, Kokwana a ri karhi a vatla mpopi.Mpopi a wu swikota ku tshama na ku famba ntsena loko wu ri kusuhi na Tsakani.“Kokwana, ku hava wo fana na wena.” ku vula Tsakani hi ntsako loko a vona mpopi wa yena.

Kokwana u n’wi siyile na mpopi wa yena ku ya basisa yindlu.Tsakani a tsakile swinene loko a ri karhi a huhwa hi mpopi. Hi nkarhinyana, a tlhela a tikuma a ri na xivundza.Mpopi a wu kota tsena ku tshama na ku famba kambe a wu nga vulavuli. A ku ri hava wo vulavula na yena.

Nakambe, Kokwana u endlile mpopi lowu a wu famba, tshama na ku vulavula.Tsakani a tsakile swinene. A tlhela a cina ncino wa ku hlula. A ku, “Kokwana, u tlula hinkwavo wena, ndzi tsakile swinene.”Va tlangile swin’we ku fikela loko ripela.

Kambe mpopi a wu nga swikoti ku cina, naswona Tsakani a rhandza ku cina.A rhandza ku cina ncino wo kombisa ku tsaka, ncino wo hlula na xibelani.A lava ku yisa xisuti hala na hala, hayi a ri yexe, kambe na munghana wa yena wo vatliwa. A ku ri hava wo tlanga na yena.

Kokwana a kota ku endla hinkwaswo, hi vumba na hi timhandzi.Kutani u endlile mpopi wun’wana wo saseka, lowu a wu ambale vuhlalu na mabendlele, naswona mpopi lowu a wu ambarile xibelani.Mpopi a wu ambale swiambalo swa muhlovohlovo. A wu famba, wu tshama, wu vulavula, na ku cina.

N’wampopi na Tsakani va yingiserile tinsimu swin’we, na ku cina swin’we.Ku sukela siku rero loko a nga ri exikolweni, Tsakani a tlanga na mpopi leyi Kokwana a yi endleke.Tsakani a ha ri hava xivundza nakan’we.

Loko Kokwana a vona leswi Tsakani a tsakise xiswona, u vatlile mimpopi eka vana hinkwavo va le tikweni.U tlhele a vatla swivatliwa swotala swo khavisa.Misava hinkwayo yi vona mitirho yo saseka ya mavoko ya Kokwani.