Mëëdan tëëkɛ wec mi te wi̱i̱ yiëër.

Tëëkɛ nyam mi tɔt mi cieŋ thi̱n mi cɔal i̱ Nyaluaal.

Kä gua̱n Nyaluaal ɛ wut mi deep rɛc mi ci kɛ̈kdɛ juor rɛy wecdiɛn. Tëëkɛ rieydɛ mi tɔt mi la dep kɛ jɛ.

Nyaluaal la nhɔkɛ ɣöö wëë dɛɛp kɛ gua̱n kɛɛl.

Nyaluaal la nhɔkɛ ɣöö guicɛ dhɔɔl mi ŋarkɛ kurɛ ciökni.

Cuɛ dhɔɔl jiök i̱ a ŋarä kɛɛl kɛ yɛ.

Kä cu dhɔɔl ɛ dɔl. Cu kɛnɛ jiök i̱, "Wër ŋari kɛɛl kɛ nyieri kɛ kumdakuany."

Cu nyieri jɛ ji̱ök i̱, "Ji̱n ciöku bärkɛ ɛlɔ̱ŋ." Kä cuɛ gaak kɛ nyieri.

Cuɛ rɔɔdɛ kuum ŋarädiɛn, mi ci ɣɔw baak la wëë döny rɛy thɔlä ca̱ŋ.

Cu cäŋ cua̱ määthdɛ.

Kɛ cäŋ kɛl /ken cäŋ lɛ̈p. Kä /ken tuut manpalɛ̈kni rööt. /Ken diit wiee. Kä /ken gaat wä duelgɔ̱rä, amäni gua̱n Nyaluaal /kenɛ wä dɛɛp kɛ rɛc.

Cu Nyaluaal lɔcdɛ jiäk. Cuɛ thiec i̱, "Kä määthdä ni cäŋ ja nikä? Kä ɛ ŋu mɛ ci ɣɔw cuɔl inɛ mɛ?"

Cu Nyaluaal gaat tin kɔ̱ŋ jiök i̱ lɔcdä cɛ jiääk ɛlɔ̱ŋ ɛn walɛ. Kä cu nyiiŋ ɛ dɔl, "Cu kɛn ɛ jiök i̱ määthdu ni cäŋ jɛ mɔn ci li̱w ɣɔ, cɛ ji̱ ba̱ny piny."

Kä cuɛ loc i̱, "/Kenɛ ɣä ba̱ny piny ɛn määthdä ni cäŋ kä /kenɛ li̱w."

Cu Nyaluaal lɔcdɛ jiääk ɛlɔ̱ŋ, cuɛ riŋ dueel.

Cuɛ kurɛ däman kuɛt ɛlɔ̱ŋ.

Cuɛ ca̱r kɛ gua̱a̱th mi tɔt, "Kä cuɛ we ɣän bä ŋar kɛ jɛn kurɛ nɛmɛ amäni mi ci mäthdä ni cäŋ luny jɔk."

Cuɛ kurɛ käp kä cuɛ riŋ raar kɛ jɛ.

Nyaluaal cuɛ kurɛ la̱th piny. Cuɛ wee, "Bä ŋar ce̱tkɛ kɛn dhɔɔl tɔ̱tɔ̱."

Kä cuɛ kurɛ dɛ kuɛt. Cuɛ kuɛ̈t nhial kä cu kurɛ räth ni rɛy puɔ̱ɔ̱ri.

Cu nyiiŋ diaal ɛ guiɛc nhial. Kä cu kurɛ bath rɛy pua̱a̱ri ti tekɛ wuɔ̱ɔ̱n.

Kä cu nɛy dial biɛt ɛ bi pinydɛ wä lik.

Kɛ gua̱a̱th mi tɔt cu wuɔ̱ɔ̱n indaan thiɛl, kä cu cäŋ jɔɔc. Cu ti diaal luɔc gua̱a̱th ni kiɛn.

Kä cu naath luoc lätkiɛn tin la la̱tkɛ ɛ kɛn.

Kä /ken Nyaluaal ɛ ŋäth ɛn ɣöö ci cäŋ luny jɔk rɛy dhɔaariɛn. Duŋni ɣöö min di̱t ni jɛn ɛ ɣöö ci cäŋ ku thuŋ luny jɔk rɛy ciëŋädɛ ce̱tkɛ ta̱a̱ dɛ min wän.

Cuɛ nyiiŋ tin kɔn jiök i̱, "Määthdä ni cäŋ cɛ luny jɔk!"