Abwo kare omomura narenge ororo orenge korokwa Demane. Nigo abwate esare yambwabo orenge korokwa Demazana. Ekero abaibori babo bakwete nigo bachiete komenya na ise moke. Korende nigo bachandetwe mono. Nigo barenge goitwa nebiranya ebitambe, naboigo bakaba bakoegwa erongori yoka naende rimo rioka kera rituko. Igo bagatama.

Bakanyora ekerongo bakamenya ime. Nigo baoboete mono ekiagera nigo barenge koigwa buna abanto mbare barenge koria abande. Na abanto aba nigo bamenyete ase ebitunwa. Igo bakarosia omorangu omokongu gokuneka egesoerio, nechingoro ibere chioka ase ensemo eyemo yekerong keria erinde embeo noborabu binyare gosoa. Demane akamoonya mosubati omwabo, "Bera igaiga ase ekerongo eke erinde nche ing'ende koinda, naende tobaisa koiyeka nyama ende yonsi. Abanto baria bakoria abanto nigo banchete ogotioka kwe'nyama."

Kera emarorogoba Demane akaba gakorenta kende gionsi konyora aitire – buna egesusu amo neng'uko. Kero arenge koirana, nigo arenge gotera: "Demazana, Demazana, Omwana o mama, ing'igorere ekerongo eke, chinyoni nabo chirasoe. Naende nigo kebwate chingoro ibere."

Demazane akarosa kobera ere bweka ase ekerongo keria kera rituko. Igo rituko erimo, ekero momura omwabo asogete isiko gochia koinda na gotega emenyama, agasoka nere korora. Akanyora oroche agasoa ime gochiesa, na korina emete igoro. Akaigwa buya koba isiko ye'kerongo keria. "Oranyore," banto tibaiyo bakoria abande. Gose onyore buna tata moke nigo arenge gototebia igo erinde tooboe.

Rituko riria riarenge kobwatia akaba omoremu mono gouta omorero erinde anyare koigwa riberera. Gotatiga rende anyuotete ime yekerongo keria omorangu oria gosiekire – erio anyare koba tu ase omorembe. "Ninde nobomaene buna kende tikeiyo kerakorekane ing'ise gosamba akanyama gake igo. Nigo erabe buya koria endagera eiyekire."

Ekero momura omwabo airanete agatera buna yarenge ekawaida, "Demazana, Demazana, Omwana o mama, Igora ing'igorere ekerongo eke. Ebinyoni nabo bigosoa. Naende nigo kebwate chingoro ibere." Akaigora omorangu oria erinde asoe. Ekero aroche enyama eria eiyekire, Demane akamoboria, "Inaki gwakora iga otabwate omorero?" "Nigo naanekera enyama eye ase omogaso isiko" Demazane akairaneria bwango. Demane buna arosete tachia koamererania nere, igo bagaikaransa nse koragera amo.

Rituko riria riarenge kobwatia, agauta omorero naende nakoiyeka enyama yende. Riria are ange' gokora koiyeka akaigwa ogotera isiko yegesieri kiabo, "Demazana, Demazana, Omwana o mama, Ing'igorere ekerongo eke. Ebinyoni nabo bigosoa. Naende nigo kebwate chingoro ibere." Gotatiga riogi riria tiriarenge buna eria momura omwabo. Demazana agateba: "Yaya, aye tori oyominto, riogi riao tiriri buna eriaye." Akarema koba ime yekerongo keria.

Ake igo akaigwa naende omonto kagotera isiko yekerongo keria, "Tiga insoe mosubati ominto." Ing'igorere omwana ominto. Omwana o mama, Ing'igorere ekerongo eke. Ebinyoni nabo bigosoa. Naende nigo kebwate chingoro ibere." Eriogi riria nigo riarenge buna eriamomura omwabo, igo akamoigorera."

Omosacha oyomo omoneene omerete etukia omobere bwensi agaichora ekerongo keria ime. Akamong'usa Demazane atarachi gotama. Demazane akanyaro kobogoria ribu ike. Riria buna abogoirie kogenda, akanyakoruta ribu riria nchera kogenda.

Rituko riria egento gioka Demane anyarete gotega nekonu yenchinchoke – nigo ayebogoretie ime yegunia abwate mogongo oye. Ekero airanete, akanyora egesieri kegoire na mosubati omwabo taiyo. Gotatiga rende aroche ribu risiareire nchera goeta gochia emete ime. Akabwatia ribu riria nchera kogenda baka akarora omorero bosio bwaye.

Ang'e nomorero oria omosacha omoneene omerete etukia omobere bwensi naikaransete aroro negunia eneene kere ensemo. Demane agatara mbaka as'are kagosogora buna oria oumiete. "Gaki tata one, nonkonye? Naumiire okogoro kwane. Inkonye amache yokonywa." Omosacha oria akairaneria, "Nigo indakoretere amache rioka ekero orang'eneki na kong'a oboene buna togokuna gunia yane." akagacha egunia eria buuya nyomba mwaye.

Riria buna achire iga, Demane akabutora engori yasibete egunia eria na mosubati omwabo agasoka. Demane akairania egunia eria yaye yabwate chinchoke ribaga yeria yabwate mosubati omwabo nakoganya korora ninki kerabe.

Ekero omosacha oria airanete namache, momura na mosubati baye bagacha nere. Agatebia omosubati oye, "Egento ekiya nkere ase egunia eria ere nyomba. Genda!onyerente igaa!" akaigora egunia eria ake igo korora ninki kiarenge ime yaye, gotatiga chinchoke chiria chikamoroma okoboko. Akarangeria kagoteba, "Nigo gekoroma." Agatebia momura omwabo "Genda omokonye korenta!" Korende amachibu akaba boo naende.

"Tiga gonkora omochinga, ' akoga nagosoa nyomba ime. Agasieka omorangu nagosibora egunia eria ere bweka. Chinchoke chiria chigasoka chikamoroma omotwe, emioro, namaiso aye. Agatuma tuma na gokura, gatubetwe amaiso nechinchoke chiria."

Akaminyoka na kogwa nomotwe ime yamache, omotwe oye okananta ase esike. Agaonchokera omote orenge ang'e naende akanyora nekonu yechinchoke. Korwa abuo ase engaki etambe, Demane na Demazane bakaria oboke obwansu korwa ase ekonu eria.