Pǝ̂rǝ ma ! Arà !
Amʊmpǝrǝ n ce atɩ ri acɩrɩ na ncaŋgɩlɩpapa. Ba ɖa halɩ ajɩ gʊsoro.

Ʊshilé ɖǝn na ba ce atɩ na kǝ bɔl.

Acɩrɩ a lee bɔl karija.

Na ncaŋgɩlɩpapa n jɩ nɖi.

N'acɩrɩ a cam ʊnyana.

Ŋkǝŋ na a mǝn ncaŋgɩlɩpapa.

Acɩrɩ a na shɛʊ ma, n'a wa na ncaŋgɩlɩpapa kagʊna.

Ba wa ma, ncaŋgɩlɩpapa nɖe n tɩ kuro acɩrɩ ancǝna nɩ wàà : « Amaŋana, fʊ̂ra amʊ ! Acɩrɩ a mǝn amʊ ! »

Ncaŋgɩlɩpapa kɩ n san na, naa acɩrɩ a mǝn njɩ ma, n'ɩ lee nɩ ʊkʊrʊ̀.

N'a ce atɩ kʊra njɩ abǝɖa.

Kpaarɩ na ncaŋgɩlɩpapa n cu.

Bʊkɔ́ɩ bʊ pala acɩrɩ na ncaŋgɩlɩpapa kǝ ba kɔɔ na rǝŋǝ na bawor ma na gǝŋ.

Ampǝrǝ kaayala jɩ gǝŋ.

Ce livre a été traduit et publié par l'équipe anii à Bassila. Pour plus d'informations sur le projet anii et d'autres publications en langue anii, contactez-nous :

www.revue-gugu.org

+229 66 66 11 11
Téléphone et WhatsApp

L'équipe anii salue l'équipe de AfricanStoryBook et les remercie pour leur générosité et pour la licence de CC BY.

Mbʊpá njala nɖe n tɩ lǝ atʊ bʊkɔ́ɩ bʊ paɖa acɩrɩ na ncaŋgɩlɩpapa ma.