Tëëkɛ ciek Nuäärä mi tekɛ nyier da̱ŋ ŋuaan. Kɛn tekɛ duelgɔ̱rä kä ka̱th in rɛwdɛ kɛnɛ yuni̱bäthɛti̱.

Jɛn liakɛ rɔ kɛ kui̱c lätnikiɛn. Jɛn la ti̱mɛ nyieekɛ ciɛŋ ëë ci piith kɛ jɛ.

Man nyieet cuɛ jɛ la̱r kɛ, "Rɛy ciɛŋnikɔn, mi ci nyal cop kä run wäl, la tekɛ lät ti bɛ la lätdɛ, ce̱tkɛ min te guär, tha̱t, kuëny tɔɔŋni kiɛ kuɛɛr kɛnɛ ŋa̱c ɣɔ̱ɔ̱k."

"Ti̱ti̱ kɛ lät ti la ŋäc nyal kɛ ɛn ɣöö bɛ kɛ dhil luäŋ kɛ lätni mi ci ɣɔw baak kɛ runwaŋ amäni mi ci ɣɔw a thiaŋ. Man nyaal la läätdɛ ɛ bum kɛ ɣöö bi nyaadɛ ŋɔak ŋa̱c ɛ puc."

"Ti̱ti̱ kɛ ciɛŋ ti nyooth kɛ ɣöö i̱ te nyal kɛ luth, kɛ luäŋ lätdä, kä ca ŋi̱eec ɛ man kɛ gua̱a̱thdɛ pa̱ny, ɛ mi wä cop dhɔrɛ, bɛ guiir kuakni luäŋ ce̱tkɛ min görkɛ."

"Kä mi kui̱c nyal kɛ kɛn lät ti̱ti̱, la bumɛ ɛ tet ɛn ɣöö ba kuɛn, kɛ ɣöö car kɛ jɛ i̱ /cɛ rɔɔdɛ bi wä luäŋ rɛy dhɔaarɛ."

"Ti̱ti̱ kɛ kɛn lät nyaal ro̱o̱l Nuäärä," cu ciek indaan ɛ la̱r nyieekɛ.

"Kɛ ɣöö cä yɛ ŋi̱eec kɛ thuɔ̱k, ɛn täämɛ cia ro̱ŋ kɛ kuën."

"Duŋdɛ ɣöö bä ruac ɛmɛ gok inɛ. Kɛ nhiam, bi raan duelgɔ̱rä kɔn thuk ba kulɛ kuɛn. Nɛmɛ ɛ jɛn com in ka̱mä yɛ, kä bia jɛ dhil la̱th lät kɛ ɣöö bia kulɛ gɔw."

"Bia cɔw ti luɔ̱th kɛ rɔ, kä luäŋ kɛ la̱t, kä ca ŋi̱eec ɛ gɔaa ɛ cieŋmanikiɛn jek," cu mandi̱t ɛ la̱r kɛ inɔ, kä dothɛduɔɔth.

"Ɛ jɛn Mama, cakɔ jɛ liŋ," cu nyieekɛ jɛ loc ɛ wäkɛ kɛ mi buɔmkɛ mandiɛn.