Mëëdan tëëkɛ wut mi mat bär kɛnɛ dhök, cɔalɛ Duŋdi̱i̱t. Jen lenyɛ nɛy diaal tëë cieŋ rɛy wecdiɛn kɛ di̱t.

Kɛ di̱tdɛ nɔmɔ, mi ca nɛn dual gaat kɛ jɛ.

Rɛy wecdiɛn ɛn Duŋdi̱i̱t, lätdɛ lät tin la̱tkɛ thi̱n, ce̱tkɛ min te puɔ̱r ka̱a̱kni, kɛ dëp rɛc, kɛ ja̱l ciökni mi di̱i̱t.

Jɛn rɛy la̱tdɛ, matdɛ pɛ̈th kɛnɛ kët mi di̱i̱t. Ɛn pɛ̈th la̱t ɛ di̱i̱t ɛmɔ, la thukɛ lätkɛ ɛ ŋot nɛy diaal.

Kɛ ɣöö bärɛ kä dho̱kɛ, /cɛ riäŋ. La rëpkɛ jɛ, ɛ ji̱ dhɔaariɛn kɛnɛ mäthnikɛ, kɛ tha̱a̱ŋ kuan. Duŋdɛ ɣöö cäŋ ca rep /cɛ ro̱ŋ bä.

Mi jekɛ rɔ /kenɛ ria̱ŋ, bɛ cu mac ni naath.

Jɛn cuɛ bɛ̈c ɛlɔ̱ŋ, kɛ ɣöö /ci kuän ro̱ŋ.

Cuɛ räthni mi̱th dɛɛni jiɛɛn, amäni ciök jiɛɛn tin tɛ̈tkɛ piny.

Kɛ kɔrɛ mëë cɛ mi̱ethdiɛn tok, cu puɔ̱nydɛ buɔ̱m, kä cuɛ pual, ɛ cu lɔcdɛ tɛɛth ɛlɔ̱ŋ.

Mëë ci puɔ̱nydɛ gɔaa, cuɛ wi̱c naath yi̱c kɛ min dho̱k kɛ jɛ.

Cukɛ jɛ thiec, "Duŋdi̱i̱t ɛ leeŋu cämi mɔ?"

Cuɛ loc i̱, "Ɣän camä ni ji̱th jiɛɛn kɛnɛ dɛy amäni ciökiɛn."

Niɛ gua̱a̱th ɛmɔ, cu naath mi̱eth dɛɛni jiɛɛn kɛnɛ rɛc dɔp, cu buɔ̱m kɛnɛ pual pua̱a̱ny nath rɔdiɛn rep, kä cuɛ lo̱ckiɛn jakä tɛth.

Mëë cikɛ rɔ dol, cu kɛn ɛ jiök i̱, "Duŋdi̱i̱t, käni mun ɛmɛ ɛla kaakdu."

Cua nyɔk kɛ lär i̱, "Bakɔ ji̱ mockɛ la̱a̱t kɛ kui̱ lätnikun."

Cu ram kɛl rɛydiɛn ɛ jiök i̱, "Duŋdi̱i̱t, ci duɔ̱ɔ̱p teekä mi ro̱ŋ rialikä kɛ kui̱da." Kɛ ɣöö nɔ, ba ji̱ jakä kuäär rɛy wecdan ɛmɛ, kä bi ŋot go̱ r i̱ nɛy ikä, kɛ buɔ̱m kɛnɛ luäŋ la̱tdu min di̱i̱t.

Cu naath dit kit kɛ rɔal wäkɛ i̱, "Bi jääny kɛ tëk kuäära min di̱i̱t, ni Duŋdi̱i̱t!"