Kɛ gua̱a̱th mi ci wä, Ro̱l Nhial kɛnɛ Wi̱i̱ Muɔ̱ɔ̱n te kɛn kɛ dääk, /cikɛ te kɛɛl.

Ro̱l Nhial tëë nhial kä Wi̱i̱ Muɔ̱ɔ̱n tëë piny. Ro̱l Nhial ɣɔ̱ cɛ duŋdɛ ɣöö Wi̱i̱ Muɔ̱ɔ̱n köötdɛ. Köötdɛ ɛlɔ̱ŋ ɛ cuɛ bɛc ɛn ɣöö dee gaat wutdä da̱ŋ diɔ̱k ɛ ti cieŋ thi̱n.

Kɛn gaat wutdä da̱ŋ diɔ̱k ɛ ti, Mɛŋga ɛ gat in di̱i̱t, Lemun ɛ gat in da̱a̱r, Puɔw-puɔw a gat in kui̱ ni jɛn.

Ro̱l Nhial cieŋ ji̱ ciëŋ ti kɔŋ thi̱n bä. Nɛmɛ ɛ Cäŋ in la gua̱n gan kɛnɛ man gan ni Pay kɛ gaatkiɛn ni Kuɛli kɛnɛ Pua̱a̱r Nhial.

Cu gaat wutdä tin kɔn duɔl kɛ duɔ̱ɔ̱p in dëë jek ni pi̱. Cu Puɔw-puɔw wee i̱, "Canɛ math ni pi̱ tin te yier."

Cu Lemun ɛ gak, "Ëy! /Ci kɔn diaal ɛ dee luäŋ kɛ ɣöö thil kɔn diaal miy ti ba̱rba̱a̱r ti cop kɛ yier."

Cu Mɛŋga wee i̱, "Ɛ ram kɛl kä kɔn lär nyam in cɔalkɛ i̱ Pua̱a̱r Nhial kuën, jɛn ɛ nya mi tekɛ maan kä la thätdɛ kɛ pi̱ ti cuɔmcuɔ̱ɔ̱m.

"Mi ci ram kɛl ɛ kuɛn derɛ kɔn la thälɛ pi̱ kɛ gua̱a̱th in lot rɔ."

Ɛn guäth ɛmɔ cu gaat wutdä da̱ŋ diɔ̱k ɛ matpiny ɛn ɣöö bikɛ kuën la̱r Pua̱a̱r Nhial.

Cu Puɔw-puɔw wee i̱, "Ca̱r in ci Mɛŋga ɛ ŋun ɛ ca̱r mi gɔaa. Ɛn täämɛ, kɛ ɣöö ɛ jɛn ji̱n gat in di̱i̱t, ɛ jɛn ji̱n ram in ro̱ŋ kɛ ɣöö bi kuɛɛn."

Duŋdɛ ɣöö cu Mɛŋga thiec i̱, "Kä ɛŋu mi banɛ wä ka̱m cieŋ mani puɔ̱rkä ɛla ɣɔ̱k kuën?"

Cu Puɔw-puɔw wee i̱, "Kɔn banɛ tuɔ̱ŋ kɔn tin ci dɔŋ kä ci pɛ̈ɛ̈n kuany kä banɛ kɛ waaŋ, banɛ toliɛn thöp ɛla ɣɔ̱k kuën."

Kɛ kɔrɛ cukɛ wä cuɔ̱ŋ wi̱c pa̱a̱m mi bäär kɛ ɣöö ba Pua̱a̱r Nhial wä la̱r kuën.

Cu Jiath Lemun ruac tok wee i̱, "Kɔn cakɔ ben kɛ ɣöö bakɔ Pua̱a̱r Nhial ben la̱r kuën, go̱r nɛy ɣöö bi Ro̱l Nhial kɛnɛ Piny maar."

Ɛn gua̱a̱th ɛmɔ cu Cäŋ in la gua̱n gan jiɛn thiec i̱, "Kä mɔ cia ku ben ɔ, ɛŋu bia yuɔr piny kɛ kui̱c kuën?" Cu Jiath Puɔw-puɔw ɛ loc i̱, "Ɣɔ̱k kuën bikɛ la tuɔl."

Cu Ro̱l Nhial kuën nhɔk, kä cu Pua̱a̱r Nhial ɛ nhɔk bä ɛn ɣöö ba kuɛn ɛ Jiath Mɛŋga duŋdɛ ɣöö cuɛ jɛ la̱th piny ɛn ɣöö bɛ la thätdɛ kɛ nhiaal kɛ gua̱th da̱ŋ rɛw kärɔ̱ min la Ruel kɛnɛ Tɔ̱t.

Kɛn gaat wutdä da̱ŋ diɔ̱k tin kɔn cukɛ ɣɔ̱k kuën nööŋ ce̱tkɛ min ci kɛn ɛ yac, kä cukɛ ɣɔ̱k kuën tɔ̱tɔ̱ waŋ wi̱c pa̱a̱m in bäär.

Cu tol wä nhiaal kä cu ji̱ Ro̱l Nhial lo̱ckiɛn tɛɛth mëë cikɛ ɣɔ̱k kuën Pua̱a̱rä Nhial nɛn.

Ɛn guäth ɛmɔ cua kuën rialikä kam Jiath Mɛŋgakä kɛnɛ Pua̱a̱r Nhial. Cu nɛy diaal lo̱ckiɛn tɛɛth, Ro̱l Nhial kɛnɛ Piny cukɛ rɔ mat kɛ tɛ̈th lɔaac.

Kɛ kui̱c tɛthkä lɔaac cua ma̱a̱r liŋ gua̱thni diaal, "Bum-bum-bum, bum-bum-bum."

Ɛn gua̱a̱th ɛmɔ cu Pua̱a̱r Nhial nhiaal in nhiam, cu thal kä cu Piny ɣɔ̱c cu tok.

Ɛ tookɛ niɛ guäth ɛmɔ ɛ wä nhiam cu Pua̱a̱r Nhial ya̱cdɛ cu rɔam thi̱n ɛn ɣöö bɛ nhiaal a thaalɛ kɛ gua̱a̱th da̱ŋ rɛw, ɛla Ruel kɛnɛ Tɔ̱t.