Mëëdan, tëëkɛ wutni da̱ŋ dhieec ti dɔ̱a̱a̱r ti cieŋ gua̱a̱th kɛl kä nyuak kɛn nyinkiɛn diaal kɛɛl.

Kɛ cäŋ kɛl, cukɛ thil mi cam kɛnɛ kä thiɛlɛ kɛ yio̱w. Cukɛ rɔ ciöl duɔl kä cu wut kɛl kɛ thiec i̱, "Kɔn banɛ mi̱eth jek nikä?"

Cuɛ buɔ̱m ɛlɔ̱ŋ kɛ ɣöö thiɛlɛ kɛ mäthni ti dëë kɛ luäk kiɛ ti dëë kɛ moc kɛ mi cam kɛnɛ.

Mëë cikɛ ca̱r ɛ määth, cu ram kɛl kä kɛ wee, "Canɛ jiɛɛn!" Cu ram min rɛwdɛ wee, "Wä kɔn nikä?"

Cu ram min diɔ̱ɔ̱kdiɛn wee i̱, "Wä kɔn kual." Cu ram min ŋuaandiɛn wee i̱, "Kä ca kɔn bi käp?"

Cu dhieecdiɛn wee i̱, "/Cuarɛ diɛɛr. Thiɛlɛ riɛk!"

Cu wutni da̱ŋ dhieec jiɛɛn wäkɛ kual kä thuk.

Mëë cikɛ kuël tok, cua kɛ käp kä cua kɛ naŋ gua̱a̱th luɔ̱k kɛ ɣöö ba gua̱n dui̱rä wä ŋa̱c.

Guäth luɔ̱k, cua kɛ thiec i̱, "Ɛŋa took jɛ mɔ i̱ bi yɛn wä kual?"

Cukɛ ruac kɛ mua̱thmua̱th kamnikiɛn kärɔ kä cua kuäär luɔ̱k la̱r ta̱a̱ ëë tuɔɔk kɛ ɣöö bikɛ kual.

Cu ram min nhiam ɛ loc i̱, "Ɣän cä wee i̱, 'Canɛ jiɛɛn.' /Ka̱ n gua̱a̱th in wä nɛy thi̱n lar."

Cu ram min rɛwdɛ wee i̱, "Ɣän thiëëcä ni gua̱a̱th in wä nɛy thi̱n." Cu diɔ̱ɔ̱kdiɛn ɛ lar i̱, "Ɣän nyuɔthä ni gua̱a̱th ëë ci nɛy ɛ mat."

Cu ŋuaandiɛn wee i̱, "Ɣän cä thiec i̱ /ca kɔn bi käp!"

Cu dhieecdiɛn wee i̱, "Ɣän laarä ni ɣöö thiɛlɛ riɛk kɛ ɣöö ɛ jɛn min la nɛy a lät ni wän."

Mëë ci kuäär rieetkiɛn liŋ, cuɛ jɛ ŋa̱c ɛn ɣöö wutni ti̱ti̱ kɛ kuëël.

Cu kuäär kɛ jiök i̱, "Gɔaa ɣöö nyuak yɛn ŋɔak kamnikun, duŋdɛ ɣöö /cɛ gɔaa ɛn ɣöö dee yɛn ca̱r mi jiääk mat!"