Lony ci rɛw ɛ näk, cuɛ jiɛɛn wëë maath kɛ pi̱ rɛy puɔ̱ɔ̱l.

Cuɛ cop rɛy pi̱i̱ni kä cuɛ maath kɛ pi̱.

Min ci Lony maath, ɛ jɛn i̱ bëë raar, cuɛ cuit rɛy tua̱a̱k!

Kɛ gua̱a̱th mi tɔt, cu Gɔɔk ben jälɛ kɛ gëk puɔ̱ɔ̱l.

Min ci Lony Gɔɔk nɛn, cuɛ jɛ jiök i̱, "Luäk ɣä!"

Cuɛ Lony ka̱m raar rɛy puɔ̱ɔ̱l.

Cukɛ lɔ̱ɔ̱ŋ kɛn da̱ŋ rɛw ɛ määth.

Kɛ gua̱a̱th in tekɛ lɔ̱ŋä, cu Lony buɔth ɛ näk.

Cuɛ rɔɔdɛ riet Gɔɔk, kä cuɛ jɛ jiök i̱, "Ɛn täämɛ bi cam, ci buɔth ɣä näk!"

"Kä ɛŋu cämi ɣä kä lua̱kä ni ji̱?" cu Gɔɔk ɛ thiec.

Cɛ ŋɛ̈ɛ̈r kɛ dual.

Kɛ gua̱a̱th in ruac kɛn cu Wan cop.

Cɛ ŋa̱c ɛn ɣöö nɛy ti̱ti̱ tekɛ kɛ riɛk.

Cu Wan kɛ thiec, "Ɛŋu ci tuɔɔk ɔ?"

Kä Gɔɔk ro̱tdɛ, cuɛ wee, "Lony cä luäk rɛy puɔ̱ɔ̱l in cɛ cuit thi̱n, kä ɛn täämɛ lɛnɛ lat ni ɣöö camɛ ɣä."

Cɛ dual ɛlɔ̱ŋ ɛn Gɔɔk /kenɛ ŋa̱c ɛn ɣöö derɛ rɔɔdɛ kän!

Cu Wan nhial guic kä cuɛ jiath nɛn, cuɛ Gɔɔk jiök i̱, "Ji̱n guic nhial."

Cu Gɔɔk nhial liɛc kä cuɛ jiath nɛn. Kä cuɛ rɔɔdɛ laŋ nhial wi̱c jiaath.

Kɛ kɔr kä min cɛ rɔ laŋ wi̱c jiaath.

Cu Wan rɔɔdɛ bar kɛ pɛ̈th kɛ ɣöö dɔ̱ŋ dëë cam ɛ Lony.