Mëëdan, Rueth kɛnɛ Lɛk kɛ Luth kɛ mäth.

Luth ɛ rec mi muɔ̱lmuɔ̱l mi thiɛl maan. La kuëth kɛ jɛ ɛ mäthnikɛ. La kɛn a cɔl i̱ dɔ̱a̱a̱r.

Luth /ca la gakɛ kɛ mäthnikɛ.

La jio̱kɛ nikɛ i̱, "Wutni, /ciɛ ɣän dɔ̱a̱a̱r, duŋdä kɔ̱a̱c."

Kɛ cäŋ kɛl, cu ŋuɛ̈tni da̱ŋ diɔ̱k jiɛɛn wäkɛ ja̱l ni peek rööl mi na̱n.

Mëë tekɛ jäl, cukɛ röm kɛ dëëp rɛc. Cu dëëp rɛc käpdiɛn go̱r.

Kɛ ɣöö Lɛk ɛ ŋuɛ̈t mi ri̱i̱r, cuɛ dëëp rɛc tin kɔn tɛŋ kä cuɛ leny.

Kä cu Luth kään bä kɛ ɣöö tëëkɛ puɔ̱ny mi nyäthnyäth mi la cäät tet nath kä la käcɛ ji̱ tɛ̈rɛ.

Kä inɔ, /ken Rueth kään, cua käp ɛ dëëp rɛc.

Cu duɔth ni ŋuɛ̈tni da̱ŋ rɛw rɛy puɔ̱ɔ̱l mi tɔt, ɛ la Lɛk kɛnɛ Luth.

Mëë ɛ kɛn i̱ lockɛ wi̱cdiɛn, cukɛ bath.

Cukɛ gäk rɛy puɔ̱ɔ̱l in tɔt indaan.

Kɛ Mäy, cu pi̱ puɔ̱ɔ̱l indaan wäkɛ mi do̱nkɛ.

Mëë cikɛ jɛ nɛn i̱ do̱n pul, cu Lɛk määthdɛ ni Luth thiec i̱, "Wut in dɔ̱a̱a̱r, ɛŋu mi bi kɔnɛ lɛl ɛn täämɛ mɛ do̱n pul ɛ?"

Cu Luth jɛ luɔ̱c jɛ ni määth kɛ duɔɔth i̱, "Bi ramɔ wä cäpä gua̱n."

Kä Lɛk kui̱cɛ min bɛ la̱t.

Cu Luth jɛ tok kɛ mi rialɛ rɔ ikä. Cuɛ kɔ̱a̱a̱k mi lueŋ tɛt kä cuɛ mi̱th tin bɛ cam kɛ Mäy kɛɛliw kuëŋ thi̱n.

Mëë ci pul do̱n, cu Lɛk li̱w kɛ buɔth kɛnɛ rɛw.

Cu Luth wä rɛy kɔ̱kädɛ kä cuɛ thi̱i̱kdɛ ga̱k thi̱n.

Mëë ci mi̱thkɛ thuɔ̱k, cuɛ juälɛ cam amäni mëë ci nhiaal dɛ̈m kä ci pul thia̱a̱ŋ kɛ pi̱ ɛ nyɔk.

Cu Luth thi̱i̱kdɛ lɛp kä cuɛ ben raar rɛy kɔ̱kädɛ.

Cuɛ duɔ̱ɔ̱p wecdiɛn jek kä cuɛ loc wi̱c.

Mëë cɛ cop wi̱cdiɛn, cu ji̱ dhɔaariɛn lo̱ckiɛn tɛɛth ɛlɔ̱ŋ kä cua lor kɛ bul mi di̱i̱t.

Mëë ca thiec kɛ min ci tuɔɔk, cuɛ kɛ la̱t min ci tuɔɔk kɛɛliw.

Cu ji̱ dhɔaariɛn jɛ liak kɛ pɛ̈lɛ. Cu kɛn ɛ lar i̱ ɛ jɛn rec in pɛl ni jɛn rɛy rɛc diaal.

Inɔ, /cu raan cany kɛ ta̱a̱ in guic i̱ ni puɔ̱nydɛ.