Ayei kolong ache dakar ang'iturkana wache. Aminasi ng'itunga adakar kang'ina abolia edong'a.

Nacha kolong'it ebong, tochunakinos wapei dio kidong'ata. Aponi toyenikinae adakar ng'ina awadaang kotere edong'a.

Aponenete ng'itung'a ang'adakarin anache dae lodong'a ng'olo.

Apei kolong'it, abu ekipe tolimo akilakin adakar ng'ina.

Abu ng'esi tomea itwaan alimor ekoi ng'olo.

Akwaar nakolong abala ekipe, apotu ng'itung'a tochunakin taparachu, kipoto akimuj ka ng'ibaren. Aponi kidarae ekipe tani ni ang'opia.

Na anang'ia ng'asaa na edong'aa, dio tuchunakinos kidong'ata tani kiding akwaar. Akwaar ng'ina alakara ng'itung'a adakar noi nabo alalak ng'itung'a aya lodong'a.

Napei ering'a nyepetara edong'a, dio Ekipe todolu. Ekoni ng'esi itwaan nakaneni emam itwaan ayen ng'esi.

Dio kibaka ka kechi ikilakinito edong'a. Ani idong'akini ng'esi, kidong'ak pe eyeni lokojokon.

Tatalaros ng'itung'a, tokieneta kirida kipiyo aeo. Ng'iche tadakaros, towaa, kiboikinos, toriediko niti ekianasi.

Nyejoikina ekipe ng'akiro ng'una, abu tong'oo dio kilam ng'itung'a ng'ulu. Tojong'o ng'esi akidong'are, dio ng'itung'a tarata ng'amoru ewaasi, iboyete ka eriedikito.

Anyoun akwaar ng'ina, kidong ng'amoru neni ikote ng'itung'a nabo eonosi nakware. Egier alimokinere akwap ng'ina Ng'amorutung'a ng'olo!