Ndra drio, ezoanzi na mu eja owuria.

O'du 'da si etu dri tu, nga mu yi saa yia Avi dika oyaa yi eyi ma rua, dika saa yi.

Coti yi ega kini angu bi`bo. E'do mvi vile enyatia mbele mbele.

Ka mu eca aku tia inyia `bo, Candiru `ba dri ima ombea. Eri vile nyoro ombea ri ma e'yo avi erini `dale. "Kirikiri ada nga mani dri vile `dale!" `Ba matu `ima agiyi pivu. Te eri ma agi pi kini saa di vile.

Candiru nga dri da vile yia `dale a`dule. Esu `i vile nyoro ombelea ri ra dika ari emvizu akua. Te avi angu biza ma alia ra.

Ne diza jo azini ma alia engazu re. Ari vunia `dale `dika kpo jotile.

Osu nezu kini ocee zi jotile ni dika `y`o, "Ile a`du afani?" "Ma avi avi dika ale ta mani pari lazu," Candiru nga omvi. Mi efi joa akazu mi cizu ku," oce nderi nga `yo. Candiru ngadi fi joa."

Oce nga coti `yo, "Mi a`di mani nyaka" "Te ma a`dini nga oku nyaka oce ni ku `di?" Omvi eri. "Mi a`di akazu mi cizu ku!"oce `yo. Candiru ngadi nyaka a`di oce nderi dri ra.

Coti oce kini, "Mi ede ma vile gbolo dri" Candiru kini, "Ma ede nga oku drio gbolo dri oce ni ku." "Mi ede gbolo dri kaniku ma mi ci ra!" Candiru ngadi gbolo dri edera.

Ri nyaka a`di, angu we, azini afa yi oji oce dri o`du dria. O`du azini alu, oce nga `yo, "Candiru, ma andru mu ma agiyipi azini yi vu omu ru. I we jo ale, mi a`di nyaka, dika mi oji afa yi de nga po`di ma ecani ku."

Oce ka mu dri ko mu tapu, Candiru enze dri`bi ima dria ifi na. `Ba dri`bi alu ri gbolo etia, aluri jotile ngukua, dika`ba di alu ri ti licoa. Nga apa akua okpo ini eco ri si ra.

Oco ka mu emvi `bo, e`do Candiru ni ndaa. "Candiru, mi ngua ya?" "Ma gbolo etia `do`i," dri`bi aluri `yo. "Ma jotile etia `do 'i," dri`bi irizuri kini. "Ma ti licoa `do 'i." dri`bi nazuri `yo.

Oce ni di coti kini Candiru ole `I `bo. Ngadi nzu kpere enyati `da ma alia `dale. Te Candiru ma adripi yi ri eri dri te abe ose be. Oce ojati dika apara, kpere andru `ba ne ni nga eri dika ku.