Abwo kare, engoko ne'kebaki nigo bamenyete amo nomorembe nechinyoni chionsi pi. Nigo barenge gokora ebinto biabo amo.

Rituko erimo, enchara egacha ase ense. Ekebaki kegatara are sana korigia endagera. Gekairana kerosete sana. "Goika kobe neng'encho ende engusu gotara." ekebaki kegateba.

Ekero babogete korwa chitoro chingiya, engoko ekaba nokogania okuya. Egachaka koarigania amarionya yechinyoni chiria chionsi konyora chiakure. "Tiga toyasone amo igoro yamarionya aya aito are mobere. Nabo eyio eragere ogotara gwaito kobe okogusu."

Ekaba buna ekebaki keria nakio gioka kiabwate esindani yogosona, igo kegatang'ana gochaka gwesonera amarionya mobere oye Ake igo gekanyara gotambururuka are nechimbaba ibere, kegatiga engoko eria nse garia.

Engoko eria ekarosa gosona egatiga esindani eria igoro yekabati nakogenda riko koroseria abana baye endagera. Rakini chinyoni chiria chinde konyora chiarorire ekabaki keria gekoiruruka are. Chikaboria engoko echikonye n'esindani eria erinde chirosie chimbaba chiabo nachirochio. Nabwo abwo chinyoni chiria chikairuruka igoro ase rire.

Ekero enyoni eria yomoiso yairanatie esindani eria yasabete, engoko eria tiyarengeoo, konyora yasokire ake. Igo ebichuchu biengoko eria bikaira esindani eria bigachaka gochiesa nero. Ekero biarosete nomochieso oria, bigatiga esindani eria ase amaraba ime.

Emarogoba eyio, ekebaki gekairana. Gekaboria esindani eria erinde kenyare gosonerera amarionya konyora achakire korua ekero ki'orogendo rwaye. Engoko eria ekarigererIa ekabati igoro. Ekarigia chikoni, isiko keorori, gotatiga teyenyoreti sindani eria.

"Gaki ing'a rituko erimo rioka inkorigerie esindani," Engoko ekaebereria ekebaki. Erinde onyare gosonerera amarionya ao nakonyara kaoiruruka korigia endagera yende.

"Ero bono nakoire rituko erimo rioka, "ekebaki kegateba. "Inyore timokonyora sindani eyio, goika ong'akane n'egechuchu kiao ekemo." Ekero ekebaki giachete rituko rikobwatia, gekanyora engoko eria kegendererete gokura nse ase omochanga okoba sindani tiyarenge kororekana ande. Igo ekebaki kegaika nse bwango gekabogoria egechuch ekemo gekaira.

Korwa abwo nonya mbono, ekebaki ekero kegoeta, nigo gekonyora engoko kegokura nse korigia esindani eria yasirete. Kera ekero omorengari bw'echimbaba chiekebaki ogoeta, nigo engoko ekoagama ebichuchu biaye. "Ama korwa ase aasioku na ase eroro." Nabirobio biaraneria: "Titori bariri. Tiga tominyoke."