Ŋaaliŋo eyo amago agaali ameene amasangafu.

Abaana baamo sibasoolanga wayire ohuduhana. Era baholeranga ŋalala n'abasaaye baawe ni babayeeda ŋango nomu nimiro.

Aye abasaaye baawe sibafugiiriranga baana bano ohwigerera ŋa muliro.

Abaana bano baholanga emirimo mu wiire mwoŋene aye nga mu muusi bbe.

Hino hyali hityo olwohuba abaana bano baali bababbota mu bulimbo!

Cooka mulala hu baseere gegombanga bugali ohwota ahamwi.

Lulala omuseere ono gaŋagya gatiina mu mumwi coka abalebe babe ba mulabula.

Aye ehyo bali oti hani bafuŋiira taama mulere humaduha. Omusere nga asaanuhira mu mumwi.

Abaana bahye abomu bulimbo banakuŋala bugali ohubona owahyawe nasaanuhiye mu mumwi.

Ni babona owahyawe nasaanuhire nga bahola epulaani. Nga baŋamba ehitole hy'obulimbo obwowahyawe asaanuhire bahibbotamo enyuni.

Ni bahena nga baŋira muganda yaawe mu hiseera ehyo owaali enyuni hu lusosi olwene oluleeŋi.

Ni wahya eryuba ko ni liŋwayo muganda yaawe oyo gaguluha gatiinira ni gemba mu njase yomu mugamba.