Tsindalo tsia khale abandu shibali nibamanya okhuraka emimera ta, nomba okhulukha tsingubo, nomba okhukasia efindu fio okhwiranya. Naye Nasaye womwikulu yali nende amachesi ko khushialo kosi. Yali niyabikha amachesi kosi munyungu yeliloba.

Inyanga yindi Nasaye yalola mbu ayeresie Anansi inyungu yobuchesi eyo. Buli olwa Anansi yalinganga munyungu eyo, yekanga eshindu eshiyiakha. Kalinji akokhusangasia muno!

Okhubera omutolio, Kundu yapara mbu, "Ndalachikha inyungu ino ekulu womusala omurambi womundu wundi alanyala okhuinyola ta. Kho ibe eyanje sienyene." Yalukha emikoye chiemilandila naboyera inyungu eyo. Kundu yeboya omukoye oko mushibuno shie mana inyungu eyo niyerera imberi we, mana niyanza okhunina khumusala.  Fiali efitinyu muno okhunina khumusala nende inyungu niyimutuyatuya mumasikamo buli eshise.

Anansi yachaka okhusinyikha, natsunukha tsunukha khandi nachonya. Efise fino fiosi omusiani wa Kundu omutiti yali niyemere hasi womusala namulinganga. Naboola ari, "Shi fiakhabeerekho efiangu okhunina noboere inyungu khumukongo okhushira imbeli?" Kundu nateema okhuboha inyungu yobuchesi khumukongo, ne nifilolekha okhuba efiangu okhushira.

Yola khumusala hekulu bwangu muno. Ne naulera khandi napara. "Nisie oukhoere okhuba nende amachesi sienyene. Naye omwana wanje khandi yashira arie mumachesi?" Anansi yasinyikha muno ne nalekhula inyungu eyo hasi okhurula khumusala.

Yekhupa hasi niyatikha efipande. Nolwa abandu bosi beka obulimi, okhulukha tsingubo nende okhwiranya, nende efindu fiosi efia abandu bamanya okhukhola.