Andiswa mwathungerera abalwana ibakasatha omupira. Mwayisunza erisatha nabo. Mwasaba omuthendeki erithendekwa nabo.

Omuthendeki mwahira ebyalha biwe okwa bihinga biwe." Okwitendekero lino, abalwana basa babahamwirwe erisatha omupira," mwabugha.

Abalwana mubamubwira bathiaghende asathe omupira owebyalha. Mubabugha bathi omupira owebyalha niwabana abobukali nomupira owebisandu niwabana abobulhume. Andiswa mwahithana.

Ekiro ekyasubukako, erithendekero mulyathunga omusathu munene owomupira. Omuthendeki mwakwa obuba kusangwa omusathi omubuyanga abya alwere kandi isangathoka erisatha.

Andiswa mwathibita eyiri omuthendekwa mwamusaba amwikiriraye erisatha. Omuthendeki abya isasi ekyerikolha. Neryo mwathwamu ati Andiswa asathe.

Omusathu abyakalire. Sihalimundu oyuwateba omwakitsweka ekyokubanza.

Omwakitsweka ekyakabiri ekyomupira omulwana mughuma mwalhabirya omupira okwa Andiswa. Mwaghenda kutsibu erilholha eyiri ekikondo ekyegolo. Mwasamba akapira kutsibu neryo mwateba egolo.

Abandu mubatsanga kutsibu. Erilwa naho, mubalighira abana abobukali erisatha omupira.