Kolong ang'orot pe ayenete ng'itung'a idiobore. Pe ayenete tani ekitae ng'ikinyam, kori akidong ngoorui, kori akitiek ng'asua. Ayakar akuj Nyame alokidiama nadis aosou akopit kadaang etia ni etia. Ewakinit aosou keng daang namot nalupe.

Akwaar apei abu akuj Nyame todung atamar ainakini amot na aosou nia Anansi. Nachapak daang eng'olenakini Anansi tooma amot nalupe, abu toyen ibore nikitetet. Arai ibore niketalakaran lokojokon!

Nakanenei abu Anansi nakadakan kitamak," Ewakini amot niajokon Kidiama ekitoe lokooyen, nipe nyepedori itwaan niche aanyun. Sodi atopedoria akiting amot aria ayong elope. Abu kitisir auno a ng'ichok a epini toinik auno namot nalupe ng'ina. Ani erumor toinikin Anansi auno nachir keng, kineneun amot ng'aren keng, sodi kisiek adokar Kidiama lokitoe."

Na kaneni abu togogeng'er akidok lokitoe ka amot na anang'anang'ae ng'akung'in keng nachapak daang. Sodi kisiek Anansi aking'o ana abutorokor nabo toburunite. Awei lokookeng a Anansi loochi apak daang alokwap ekitoe ite ng'esi. Tlim tama," Pe abeben iyong adokar lokitoe inapit amotia?" Abu Anansi kikatak akinap amot nalupe na eleleba aosou alokaku keng, abu tobebener lokojokon.

Ka atipei abu tanang Kidiama ekitoe. Nabo abu towo kitama. "Achamakina ayong ayakar aosou daang, na kaneni abu lokokang tooser noi kedwang ayong." Abu Anansi tonyunyur noi kimasu amot kwap nikalapatan a ekitoe.

Kielielar torau ng'ikabel. Erot logo ng'esi aanyuneta ng'itung'a eger lo itare, akidony ngoorui ka akiteak ng'iboro a ng'asua, ka ng'ibore cha daang lu eyenete ng'itung'a esube.