UPalesa uthanda iintjalo
Ursula Nafula
Jesse Pietersen
isiNdebele

Lo nguPalesa.

Ibizo lakhe litjho ithuthumbo ngelimi lekhabo, leSetswana.

1

Ekuseni uPalesa ukhuluma nomuthi wama-orentji.

"Muthi wama-orentji, ngibawa usiphe ama-orentji amanengi."

2

UPalesa uya esikolweni.

Endleleni uthi etjanini, "Ngiyakubawa tjani, hlala uhlaza ungatjhwabi."

3

UPalesa udlula emathuthumbeni wommango.

"Mathuthumbo, ngiyathokoza ngemibala yenu ekhanyako."

4

Esikolweni, uPalesa ukhuluma nemithi emincani.

"Mithi, ngibawa nibe namataka amakhulu sikghone ukufundela ngaphasi komthunzi wenu."

5

UPalesa ukhuluma nehlatjhana elincani elizungeze isikolo sakhe.

"Ngibawa ukhule unamandla uvimbe abantu abambi bangangeni ngaphakathi."

6

Lokha uPalesa nakabuya esikolweni, wavakatjhela umuthi wama-orentji.

"Selavuthiwe ama-orentji wakho?" kubuza uPalesa.

7

"Ama-orentji asese hlaza," kuphefumula uPalesa. Wathi, "Ngizokubona kusasa muthi wama-orentji."

"Mhlamunye lokho uzabe unama-orentji wami avuthiweko!"

8
You are free to download, copy, translate or adapt this story and use the illustrations as long as you attribute in the following way:
UPalesa uthanda iintjalo
Author - Ursula Nafula
Translation - Phephelaphi Mnguni, Sponono Mahlangu
Illustration - Jesse Pietersen
Language - isiNdebele
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source