Lona nguPalesa. Ligama lakhe lichaza kutsi 'uyimbali' ngelulwimi lwakhe lweSetswana.
Ekuseni Palesa ucoca nesihlahla semawolintji. "Sihlahla semawolintji, sicela usiphe emawolintji lamanyenti."
Palesa uya esikolweni. Endleleni ucoca netjani, "Tjani, sicela uhlale uluhlata usisite ungashi."
Palesa ekuhambeni kwakhe ubona timbali tasendle. "Timbali, siyabonga ngemibala yenu lechakatile."
Esikolweni, Palesa ukhuluma nesihlahla lesincane. "Sihlahla, sicela ukhule ube nemagala lamakhulu kute sikwati kuhlala ngaphasi kwemtfunti wakho."
Palesa ukhuluma nemtsangala lotungelete sikolo sabo. “Sicela uhlale ucinile, uvimbele tigebengu tingangeni ngaphakatsi kwesikolo setfu."
Ngalesikhatsi Palesa abuyela emuva ekhaya, wavakashela sihlahla semawolintji. "Ngabe emawolintji akho savutsiwe yini?" kubuta Palesa.
"Hawu kantsi! Lamawolintji aseluhlata," kukhala Palesa. "Ngitakubona kusasa," kusho Palesa.
"Mhlawumbe kusasa utawube sewunawo emawolintji lavutsiwe lotangipha wona!"