Aneno dhano to akaŋasa go tek tek.

To aneno dhako ma yac ma omako iye.

Jo calo mawan jo jolo dhako no to doŋ both wan.

I dyer wor dhako no okoko ni, "Nyathi! Eno nyathi wok."

Dhako no to nywolo punda.

Ji jo penjere ni, "Wa no tim nedi?"

Ji jo ŋweco kwoŋ go. To dhako no paro ni, "A la timere nedi gi nyathi me?"

Rumacen, dhako no oyere to maro nyathi pere.

Nyathi no odongo, obedo ma dwoŋ, ma odhyero kir min tiŋo.

Min obedo gi gut. Nyathi pere bende omako nge to gweyo go.

Oŋweco woko munyo oneno min opodho piny.

Nyathi punda odoŋ kende, kec oneko, ool, to nindo kwalo.

Munyo nyathi punda ocew, oneno jal moro ocungo dho bothe.

Jalo otiŋo go to dok gine peco pere.

Nyathi punda otiŋo jalo i gongo munyo otegino.

Ndir acel, jo idho wi got moro kir malo, jo ol to jo podho nindo.

Munyo nyathi punda ocew, onwaŋo ni nitye kende kendo.

Nyathi punda obedo gi gut. Owotho ka gi kaca rango min.

Nyathi punda oneno dhano moro to penjere ni, "Meno
won ki mama?"

Wok i ndiri no nyahti punda gi min jo bedo ka nyacel. Tiŋo min to wotho gi ne.