Ukɔla ni gonlgonl nan ye jɔtiib la. Amaa, bi nan kpak tɔb n-yoon mɔmɔk. Dalbaadaal le bi chuu ke bi gbaa bɔl ki bee u ŋma gbaa bɔl jer uken na.

Bi nan buen baa gba bɔl nin chee le ki piin ki bi gbaa. Ukɔla nan gbaa mala, amaa gonlgonl nan gbaa mala pam. Ukɔla lee bɔl buen dandar, amaa gonlgonl nan lee buen dandar jer nima. Liŋuul nan gur bi chor ukɔla la.

Bi nan chuu ke bi gbaa penaati mam. Gonlgonl le nan puen kiir njan. Ukɔla nan jin libil libaa baanja la. Le ni ŋeer ke ukɔla mu kiir libil.

Golngoln nan faa bɔl le ke jin. Golgoln nan di bↄl miln le ke jin. Golngoln nan di uyil saa bↄl le ke jin. Golngoln nan jin ŋibil ŋiŋmu.

Liŋuul nan chuu ukɔla ke waa nan jin. Waa nan nyi ngbiir. Gonlgonl nan piin ki bi laa, ujɔ aa nan bi ŋulni ni na pu.

Liŋuul nan chuu ukɔla ti nyaŋ le u waar umɔb le ki di gonlgonl nab.

Ukɔla aa nan chuun cha kun na, u nan ton gonlgonl aana. Gonlgonl aana nan baa, "Aa kan maa bo oo?" Ukɔla aa nan len tibaa. Ni nan muk gonlgonl aana pam.

N-yoon gbaan le gonlgonl aana ŋun nneel waatiir mubaa. "M na gaa mi lii!" nneel gbaan nan wii. Gonlgonl aana nan lik manlgonl le ki pel mbaamɔm. Nneel gbaan nan nyann ni ukɔla ni la.

Gonlgonl aana nan teen, "Ma bo di saa puan na tun lituln!" Gonlgonltiib ga ŋmaa nuŋ le ki li to. Ukɔla aa ponn ni nan piin ki sukr.

Ukɔla nan bii. Le ki nab le ki tii. Le u chiin le ki koe, le ki koe. Gonlgonl gbaan nan to sakpen.

Ukɔla nan koe ki ti saa buyoonn u koe ki wunl nyan ni gonlgonl u nan bi u ponn ni na. Gonlgonl aana ni waa bo nan baar jɔn busub bi ti bɔr.

Ki nya ni n-yoonn gbaan na, ikɔla ni gonlgonl mam kpanl bidim.