Yì-iì dzə̀ é ghan símóʼsí, a kfəə́ yímóʼó dzə̀, a yí dzə́ dzə́ kisheʼ rìí.
Bó wìr yòʼ-oò ghàn fùnèn wùn wùmòʼ. Áwune-eè lo, á waà sə atàr wùn a àyìyí é lìm seé laʼ, a sə e kwaʼ.
Yii bèy, á yòʼ-oò lo màʼtì ji áwune waá koʼtí a e ghaa kiy.
Áwune-eè lo, á kù a yiì lim sév a dzə̀ vitsə́ʼə́.
Kí-iì dzə̀ bey, bìʼfo vé-eè fèr áwune a dzə̀ e ghám vilùu.
Yii bèy, wo mòʼón woo wán waá ker shií ji wun ku dù fo ndzə, e yèn á shúy.
Wìy lòo dzə e kishiíy kímóʼ kí, shií və̀n távkír. Afə́r vəə́ wáa sə̀r wun.
Yii bèy, la kí yòʼ lìm. Wù ku nèn rèŋ e sar shùy.
Wúné-eè kìn wón veé ghàm vilù viǹ mo fər wov-iì reŋ bèn du aáwuné si.
Yii bèy, áwune nèn bà ntaŋ wùmòʼ. Áwune nèn bàʼtí ghám vilù ye yi kì rèŋèn rəy, e fèr shinə́n shó.
Áwune nèn lì shinə́n shee fə́r wov shiy, e kòʼ shó e ntoò gwan.
Mo shùy toon, shí nén a feŋ, a dù, a yòv, a nəə̀ e kinto shùy.