UKhalai ukhuluma nezitshalo
Ursula Nafula
Jesse Pietersen
isiZulu

UKhalai lona. Uneminyaka eyisikhombisa. Igama lakhe lichaza 'olungile' ngolimi lwakubo, isi Lubukusu.

1

UKhalai uvuka ekuseni akhulume nesihlahla samawolintshi. "Ngiyacela sihlahla samawolintshi, khula ubemkhulu usiphe amawolintshi amaningi avuthiwe."

2

UKhalai uya esikoleni. Endleleni ukhuluma notshani. "Ngiyakucela tshani, yiba luhlaza kakhulu ungomi."

3

UKhalai wedlula izimbali zasendle, "Ngiyanicela zimbali, hlalani niqhakaza ukuze nginihlome ezinweleni zami."

4

Esikoleni, uKhalai ukhuluma nesihlahla esimila phakathi nezakhiwo, "Ngiyakucela sihlahla, khipha amahlamvu amade ukuze sifunde siphansi komthunzi wakho."

5

UKhalai ukhuluma nothango oluzungeze isikole, "Ngicela ukhule uqine ukuze uvimbe abantu ababi bangangeni."

6

Lapho uKhalai ebuya esikoleni uvakashela isihlahla samawolintshi. "Asevuthiwe kodwa amawolintshi akho?" kubuza uKhalai.

7

"Amawolintshi aseluhlaza," uKhalai edonsa umoya." Ngiyokubona kusasa sihlahla samawolintshi," kusho uKhalai. "Mhlawumbe uzobe usunalo iwolintshi lami elivuthiwe!"

8
You are free to download, copy, translate or adapt this story and use the illustrations as long as you attribute in the following way:
UKhalai ukhuluma nezitshalo
Author - Ursula Nafula
Translation - Margaret Nokuthula Zondi
Illustration - Jesse Pietersen
Language - isiZulu
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source