Enkoko n'ekikongoro bakab bali banywa ni. Buli kimu kyalengahoga kasinga kigenzi kyakyo. Kiro kimu bakacwamu kuzaana omupiira nukwo barole nooha akusinga.

Bakagenda omukizaniro batandika kuzaano. Enkoko ekaba ine obwangu baitu ekikongoro kyakizahoga. Enkoko ekasamba omumpiira hara baitu ekinkongoro kikagusamba hara muno. Aho wankoko akatandika kuturuma.

Bakacwamu kuteera obwiina. Ekikongoro nikyo kyabandize kukwata goolo. Enkoko ekateeba goolo emu. Hanyuma bwahikira wankoko kukwata goolo.

Kikongoro akaasamba omumpira yanywisa goolo. Ekikongoro yacanga akakodyo yateeba endi. Kikongoro yateebesa omutwe. Kikongoro yateeba goolo itaano.

Enkoko ekakwatwa ekiniga habwokusigwa. Ekaba eri muzaani mubi. Ekikongoro kyatandika kusekereza muywaniwe habwo akaba atandikire kukora akavuyo.

Enkoko ekaba ebihirwe muno nukwo yayesama yamira ekikongoro.

Wankoko obwakaba nagaruka omuka yatangatangana nyina kikongoro. Yamukagaza ati. Tombainire omwana wange? Enkoko etagarukemu kintu kyona. Nyina kikongoro akeralikirra muno.

Hanyima nyina kikongoro akahuurra akaraka kataito. "Mau njuna!" Nyina kikongoro akamagamaga nahuliriza nokwegendesereza. Iraka likaba niriruga munda ya'Wankoko.

Nyina kikongoro yateera empamo, "Wekonyeze amaani goona mwana wange!" Ekikongoro nikisisobora kurugwamu ekinunko kandi nokusarra. Enkoko ekatandika kwehurra kubi.

Enkoko ekebijagura, yamira kandi yacwa orucwanta. Yayesemura kandi yakorra. Yakorra muno. Ekikongoro nikitama!

Enkoko ekakorra kuhikya obu yaihireyo ekikogoro ekyekaba emizire. Nyina kikongoro n'omwana bayekurra, batemba omuti kwesereka.

Kuruga kasumi ako, Wankoko na Kikongoro bafooka banyanzigwa.