Muhwana ni Mulongo ba menya mu hibuga ni saawe. Baali besunga ohuŋumula. Si huba ti abaana abamasemero baali baja mu huŋumula aye olw'ohuba baali baja huhyalira nguhwa waawe.

Muhwana ni Mulongo baali basangafu o'lwohuba baali baja  ohyalira nguha waawe. Ehiire ko buhye batiine, bategeha emigugu jaawe eji baali ni baja hutiina ni najo. Si baŋenyuha hwiro olw'ohuba owiire woosi baali baŋaya hu bija ohuba mu luŋumulo.

Mu mawiiwi, batagiha olugendo lwawe era bagendera mu motoka ya saawe. Ba fuga babita mu sosi, musolo ekambwe no mundimiro j'amajaani.

Ehiseera ni hyabitaŋo, abaana batagiha ohuŋenyuha olw'omudembo.

Saawe gabasisimusa ni benda ohwoleresa ewa nguhwa waawe. Baagaanaa nguhwa waawe Namulwa naŋumulira mu musaala.

Nguuhu gabakalimbusa mu nyumba era esangalo eri gaali ni n'alyo ng'olibonera hu hwemba n'mahina aga gaahina. Abejuhulu babe bamuŋambya ebirabo ebi baali ni nibamuleteaye ohuŋwa mu hibuga.

Era hino bahihola n'esangaalo. Nga Muhwana amuloma ati, ''Sooka wigule ehirabo hyange!" Ne eno Mulongo yeesi ati, "Ehirabo ehyange nje hyobe osooka!

Nguhwa yawe ni gahena ohwigula ebirabo, gahena gasaaya hu bejuhulu babe nga olu obuwangwa waawe waali.

Nga Muhwana ni Mulongo batula mu nyumba, batagiha ohuŋiima epuluguti n'enyuni.

Banina emisaala era bebbomba mu maaji genyanja.

Aherema aŋa haŋambira, bagama ewa nguhwa waawe ohulya ehyegulo, ero silya baganya huhena ohulya ni litabaŋangula.

Ni wahya, semwana w'abaana gafuga emotoka yiye gagama mu hibuga.

Muhwana ni Mulongo ba yeeda nguhwa waawe emirimo eja ŋango. Bajanga amaaji era, batenya n'ekwi. Basolosanga amagi gengoho era baaŋa eryani.

Guhuu gegeresa abejuhulu babe ohunyiya ebiryo.

Lulala, mu mugamba Muhwana gaŋira eŋombe ja nguhwa wuwe ohwaya. Jaduluma jengira mu ndimiro ya muliranwa wawe. Omwene nimiro ganyiigira Muhwana luhulu lwene. Era gatisa tiisa ati gaali aja husigasa eŋombe olw'ohulya ebirime bibye. Ohuŋwa hu ludaalo olwo Muhwana gegenderesa ebigosi bitoola hu ŋombe nindi.

Lulala nga nindi abaana batiina mu katale ni Nguhwa wawe. Gaali n'omudaala ohu gatundiranga eryani, sukaali ni sabbuni. Muhwana ganyumirwanga luhulu lwene ohulomera abagusi omuŋendo gw'ebiitu. Mulongo nga aboŋaga ebibagulire.

Ni bahenanga ohutunda nga behala banywa caayi. Nga bahena bayeeda nguhwa waawe ohubala ebbesa eji bafunire.

Ne oluŋuumulo silwalwa huŋwaho ng'abaana bagamayo mu hibuga. Nguhuu gaŋa Muhwana e kofiira nga aŋa Mulongo esweta. Gabategehera n'ebiryo eby'ohulira mu ngira ni batiina mu lugendo.

Saaawe ni gaberuhira, sibenda hu tiina ni naye. Abaana begayirira Nguhwa wawe atiine nabo. Gamwenya galoma ati, "Ndi musahulu sisobola mu hibuga nja husigala mbalinde ohwola nindi olu muli galuha."

Muhwana ni mulongo bamugwa muhifuba nibamusebula.

Muhwana ni Mulongo ni bagama hu somero, baŋayiraho abahyawe ebifa mu hyalo. Abaana abandi beŋeega ti obulamu mu hibuga buba bulaŋi n'abandi bahibona ti ohuba mu hyalo hihira ohuba mu hibuga. Ne mu hyosi, hiisi muutu gehirisa ti Muhwana ni Mulongo baali ni nguhwa waawe omulaŋi!