Nͻbila la Katagune daa de la zͻtͻ. Amaa ba daa yεgeri mε la taaba.

Daarε diyima ti ba daa ku nuurε ti ba wan ŋmε la boole baŋε mina n tӑi ŋmi'ira gana.

Ba daa kiŋε la boole pakin ta pͻsε ŋmɛ'a. Nͻbila daa kureni mε, amaa Katagune daa kureni gana bala.

Nͻbila daa tobε mε, amaa Katagune daa tɛbε gana bala. Nͻbila sunsͻa daa pͻsε nyiira.

Ba daa ku nuurε ti ba wan ŋmε la pεnati duma. Katagune n pͻsε yia dεna boolegi'ira.

Nͻbila kuuse la buyina ma'a. Nͻbila n daa soe ti a gĩ lerege.

Katagune daa tobε kuuse. Katagune bεresε boole la le kuuse. Katagune dikε zuo tu'usε boole la le kuuse.

Katagune kuuse la bunuu.

Nͻbila suns-nyie la eŋa n ka di la. A koŋere wa daa gaŋε la pa'ala.

Katagune pͻsε la'ara sεla n sͻi la a zͻ wa nεŋa daa ka lorege.

Nͻbila suns-daa nyie gaŋε mε ti a ya'ε nuurε vole Katagune.

Nͻbila daa kini kula mε, ta tu'usε Katagune ma. Katagune ma daa soke yeti, "Fum nyε n bia wa?"

Nͻbila ka yele se'ere. Katagune ma suure daa sagum.

Gee ti Katagune ma wum ti kͻbãala tͻgε. "Suŋε mam m ma!" kͻa la n kaasε ŋwana.

Katagune ma lobe nini zi'an woo gee kelese ŋwana digi digi. Kͻa la ze'ele la Nͻbila puuren yese na.

Katagune ma daa nyabε, "N bia! Dikε fu pannyãleŋa la tum."

Kataguma ta'am tee nyuuŋo n fi'ε gee le ana tua tua. Bã'a pͻsε Nͻbila mε wa.

Nͻbila bo'om ya. A daa vole mε gee le tubesε. A daa kͻsε mε gee k-sε. Gee le k-sε.

Katagune la daa fi'ε mε gee tͻi!

Nͻbila daa kͻsε la bala tara tara ta kͻsε ukɛ Katagune a puuren basε na.

Katagune la a ma daa bã'ε zom la tia zuo ta sugε.

Pͻsε sankaŋa sa, Nͻbibesi la Kataguma daa tari la diŋo la taaba.