Kuwui-a dǝngaɍi-a sawa. Kulum kǝlaruinin kasarga. Yim laa niya bol baktuye ngojane, kam kamnjua nodun kojǝnadǝa roro.
Bol baktarambo lejane bikke badiyera. Kuwui doi, amma dangaɍi tia nan doinin kojǝna. Kuwui boldǝa kuruwuro bakciyi, dangaɍi tiye maa kojǝnaro kuruwuro bakciyi. Kuwui gǝrgadu badiyen.
Penalti baktu badiyera. Burwon dangaɍi tima bol rodama wo. Kuwui bi fal ndok cakko. Koro kuwui bol rodamaro walyen.
Dangaɍi bakkenniya bi kekko. Walde bakkenniya koro kekko. Adǝgainin bi uwu kalkal cakko. Kuwui tia jawuna dǝro fum gǝrgayen.
Wada bikkeye nojǝnni. Dǝngaɍi kaasu cǝdi sawanju jallattidǝro.
Kuwui karwukuttaro, dǝngaɍia cǝdane sǝdǝ kindo.
Kuwui fadoro lejǝdǝ jawlnin ya dǝngaɍiyea kattadǝra. Yanju dǝngaɍi nda tadanjuro tia kiworo. Kuwui tiro nuktuwu wayeno. Ya dǝngaɍiye ronju wayen.
Yanju dǝngaɍiye kowo samsu laa fangeno. "Banansǝgǝne ya!" yeno kowodǝ. Yadǝ kowodǝa kǝrǝnngenniya, memeyen. Kowodǝ curo kuwuiyen isi.
Ya dǝngaɍiye burwu kekko: "Dawarinǝm laan faidadǝne tadani." Dǝngaɍisodǝ rakcane curo kamben kinajai ye banna cadi ye. Kuwui lolodu badiyen; tiyinju samdu badiyen.
Kuwui ngaryenniya tuwayen. Warashsha kidǝnniya, kasaauyeno. Dǝngaɍi curonjuyedǝ kinaji.
Kuwui jusse dǝngaɍia kittuluwo. Dǝngaɍi-a yanju-a guwurjane ngawo kǝska laayen gǝrgaada.
Tǝn yimdǝn kuwui-a dǝngaɍi-a waduwuro walyera.